Երէկ՝ երեքշաբթի, նոյեմբերի 15-ին, «Ռոյեան» գիտահետազօտական ինստիտուտում տեղի ունեցաւ տարւայ գրքի 29-րդ եւ ուսանողական տարւայ ատենախօսութիւնների 20-րդ փառատօնի մրցանակաբաշխութեան հանդիսաւոր արարողութիւնը:
Ամփոփւեց Ուսանողական տարւայ գրքի եւ ատենախօսութիւնների փառատօնը
«ԱԼԻՔ» - Երէկ՝ երեքշաբթի, նոյեմբերի 15-ին, «Ռոյեան» գիտահետազօտական ինստիտուտում տեղի ունեցաւ տարւայ գրքի 29-րդ եւ ուսանողական տարւայ ատենախօսութիւնների 20-րդ փառատօնի մրցանակաբաշխութեան հանդիսաւոր արարողութիւնը: Տարւայ ուսանողական ատենախօսութիւն անւանակարգում դոկտ. Անաշէ Մելքոմեանն արժանանալով գիտական ժիւրիների բարձր գնահատականի յայտարարւեց, որպէս լաւագոյն ատենախօսութեան հեղինակ եւ ճանաչւեց, որպէս գիտական փառատօնի դափնեկիր,- այս մասին «Ալիք»-ին յայտնել է «Էլմօ-սանաթ» համալսարանի դասախօս դոկտ. Ալմարա Մելքոմեանը (Անաշէ Մելքոմեանի քոյրը):
Աղբիւրի համաձայն՝ Գրքի եւ ընթերցանութեան ազգային օրւան համընթաց տեղի ունեցող «Տարւայ ուսանողական գրքի» 29-րդ մրցանակաբաշխութեան եւ «Տարւայ ատենախօսութեան» 20-րդ փառատօնի փակման միջոցառմանը կարեւորւել է այն փաստը, որ մինչեւ Անաշէ Մելքոմեանի ատենախօսական աշխատութիւնը, շուրջ երկու անընդմէջ տարիներ մրցավարների կազմը ներկայացւած ատենախօսութիւններից եւ ոչ մէկը արժանի չէր համարել «Տարւայ ատենախօսութեան» տիտղոսի համար:
Այսպիսով Անաշէ Մելքոմեանը հումանիտար գիտութիւնների Իրաւաբանական ասպարէզում ներկայացնելով «Կենտրոնական բանկի կողմից բանկային պայմանագրերի միատեսականացման իրաւա-տնտեսական վերլուծութիւն՝ համեմատական հայեացքով» իր դոկտորական ատենախօսութիւնը, արժանացել է «Տարւայ ուսանողական ատենախօսութեան» լաւագոյն տիտղոսին:
Անաշէ Մելքոմեանը Թեհրանի Պետական համալսարանի միջազգային իրաւագիտութեան ամբիոնի շրջանաւարտ է գիտութեան դոկտորի գիտական աստիճանով: Հրատարակել է երկու գիտական յօդւածներ:
