Հա

Հասարակական

23/11/2022 - 14:30

«Նոր միտք»-ը հնարաւորութիւն է ընձեռում ստեղծելու տարբեր տիպի հասարակական ինքնութիւններ

Հ.Մ.Ա.Կ.-ի «Նոր միտք» նախագիծը ընդլայնում է իր լսարանն ու ձգտում մուտք գործել ամենատարբեր թեմաների ասպարէզ՝ ներգրաււելով հասարակութեան տարբեր մաասաների ներկայացուցիչների: Երէկ՝ նոյեմբերի 22-ի «Նոր միտք» նախագծի հիւրն էր ԻԻՀ-ում Իրան-Հայաստան առեւտրային պալատի նախագահ Հերւիկ Եարիջանեանը:

«alikonline.ir» - Հ.Մ.Ա.Կ.-ի «Նոր միտք» նախագիծը ընդլայնում է իր լսարանն ու ձգտում մուտք գործել ամենատարբեր թեմաների ասպարէզ՝ ներգրաււելով հասարակութեան տարբեր մաասաների ներկայացուցիչների: Երէկ՝ նոյեմբերի 22-ի «Նոր միտք» նախագծի հիւրն էր ԻԻՀ-ում Իրան-Հայաստան առեւտրային պալատի նախագահ Հերւիկ Եարիջանեանը:

Նախագծի սկզբում Հ. Մ. «Արարատ» Կ.-ի Կենտրոնական վարչութեան անդամ եւ «Նոր միտք» յանձնախմբի հարցերով կապ Սիւնէ Ֆարմանեանը ներկայացրեց նախագծի մանրամասնութիւնները, առաքելութիւնը եւ նպատակները՝ նշելով, որ նախագծի երկխօսութիւնների համար հարթակը, փորձում է նոր խօսոյթ ձեւաւորել սոցիալական խմբերի միջեւ հէնց վերջիններիս միջոցով, այնուհետեւ ներկայացրեց օրւայ բանախօս Հերւիկ Եարիջանեանին:

Բանախօսութեան ընթացքում Հերւիկ Եարիջնեանը բովանդակայն զեկոյց ներկայացրեց Իրան-Հայաստան տնտեսական կապերի, մասնաւորապէս՝ առեւտրատնտեսական յարաբերութիւնների զարգացման դինամիկայի ու խթանման համար նպաստաւոր պայմանների ստեղծման անհրաժեշտութեան եւ Հայաստանի Հանրապետութեան ու Իրանի Իսլ. Հանրապետութեան միջեւ ապրանքաշրջանառութեան մասին վիճակագրական տւեալներ:

Ծրագրի ամփոփման եւ հարցերի ու պատասխանների բաժնում բանախօսին միացաւ Հ. Մ. «Արարատ» Կ.-ի Կենտրոնական վարչութեան նախագահ Հենրիկ Խալոյեանն, որն ողջունեց բանախօսի բովանդակային զեկոյցը եւ ներկայացրեց տեսակէտներ ու դիտարկումներ Իրան-Հայաստան տնտեսական յարաբերութիւնների խթանման, համատեղ նախագծերի իրականացման եւ համագործակցութիւնների զարգացման պլանների վերաբերեալ:

Հանդիպման ընթացքում ներկաները տեսակէտներ ու գաղափար յայտնեցին առեւտրատնտեսութեան ոլորտի զարգացումը ապահովւող ծրագրերի առնչութեամբ, անդրադարձ եղաւ ՀՀ-ում բիզնեսների հիմնման, հնարաւորութիւնների եւ առիթների իրացման անհրաժեշտութեանը:

Հետաքրքրական է, որ «Նոր միտք» նախագծի լսարանն մշտապէս փոփոխական բնոյթ է կրում: Տարբեր բովանդակութիւնների շուրջ համախմբւած ու ձեւաւորւած սոցիալական անհատները ձեւաւորում են իւրովի հասարակական ինքնութիւն եւ իրականացնում են ինքնաներկայացում:

Եւ, պատահական չէ, որ դիսկուրսի ազդեցութիւնը կայանում է հէնց նրա ընձեռած հնարաւորութեան մէջ ստեղծելու սոցիալական, մշակութային, տնտեսական, քաղաքական եւ այլ տիպի ինքնութիւններ:

 

Լուսանկարները՝ ՀԱՏԻՍԻ

 

Image Gallery

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։