Առողջապահութեան համաշխարհային կազմակերպութիւնը մտահոգւած է Չինաստանում COVID-19-ի վարակների բռնկմամբ, չորեքշաբթի ասել է կազմակերպութեան գործադիր տնօրէն Թեդրոս Ադհանոմ Գեբրէյեսուսը՝ կրկին Պեկինին կոչ անելով հոսպիտալացումների եւ մահացութեան վերաբերեալ արագ եւ կանոնաւոր տւեալներ տրամադրել:
«alikonline.ir» - Առողջապահութեան համաշխարհային կազմակերպութիւնը մտահոգւած է Չինաստանում COVID-19-ի վարակների բռնկմամբ, չորեքշաբթի ասել է կազմակերպութեան գործադիր տնօրէն Թեդրոս Ադհանոմ Գեբրէյեսուսը՝ կրկին Պեկինին կոչ անելով հոսպիտալացումների եւ մահացութեան վերաբերեալ արագ եւ կանոնաւոր տւեալներ տրամադրել, ըստ News.am-ի՝ հաղորդում է Reuters-ը։
«Մենք շարունակում ենք խնդրել Չինաստանին տրամադրել աւելի արագ, աւելի կանոնաւոր եւ յուսալի տւեալներ հոսպիտալացումների եւ մահացութեան վերաբերեալ»,- ճեպազրոյցում ասել է նա:
«ԱՀԿ-ն մտահոգւած է Չինաստանում կեանքին սպառնացող վտանգով եւ կրկին ընդգծում է պատւաստումների կարեւորութիւնը, ներառեալ լրացուցիչ չափաբաժինները՝ հոսպիտալացումից, ծանր հիւանդութիւններից եւ մահից պաշտպանւելու համար»,- յաւելել է ԱՀԿ-ի գլխաւոր տնօրէնը:
