Հա

Հասարակական

15/02/2023 - 13:10

«Օրական մէկ անգամ մէկ ընկերական զրոյցը բարձրացնում է երջանկութեան մակարդակը». հետազօտութիւն

Հետազօտողները պարզել են, որ օրական մէկ անգամ մէկ ընկերական զրոյցը բարձրացնում է երջանկութեան մակարդակը եւ նւազեցնում է սթրեսի մակարդակը։

«alikonline.ir» - Հետազօտողները պարզել են, որ օրական մէկ անգամ մէկ ընկերական զրոյցը բարձրացնում է երջանկութեան մակարդակը եւ նւազեցնում է սթրեսի մակարդակը։ Այս մասին գրում է News.am-ը:

Փորձին մասնակցել է աւելի քան 900 մարդ, որոնցից իւրաքանչիւրին խնդրել են որոշակի ժամանակ շփւել ընկերների հետ։ Օրւայ վերջում մասնակիցները յայտնել են, թէ որքան լաւ կամ վատ են զգում՝ գնահատելով այնպիսի զգացմունքներ, ինչպիսիք են սթրեսը, կապւածութիւնը, անհանգստութիւնը, բարեկեցութիւնը եւ միայնութիւնը:

Արդիւնքները ցոյց են տւել, որ ինքնազգացողութիւնը բարելաւելու համար բաւարար է առնւազն օրը մէկ անգամ շփումը: Մասնաւորապէս, այն մեծացրել է կապւածութեան զգացումը եւ նւազեցրել սթրեսը: Որքան շատ են եղել խօսակցութիւնները օրւայ ընթացքում, այնքան բարձր են եղել երջանկութեան ցուցանիշները։

«Սա նշանակում է, որ որքան շատ էք լսել ձեր ընկերներին, այնքան աւելի շատ հոգատարութիւն էք ցուցաբերել, որքան շատ ժամանակ էք տրամադրել ուրիշների կարծիքը գնահատելու համար, այնքան աւելի լաւ էք զգացել օրւայ վերջում»,-բացատրել են հոգեբանները։

Գիտնականները յաւելել են, որ հեռախօսազանգերը շատ դէպքերում նոյնքան լաւ են ազդում, որքան դէմ առ դէմ շփումը:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։