Իրանահայ «Թեւանիկ» բարեսիրական կազմակերպութիւնը, որ իր հիմնադրութեան օրերէն կ՚օժանդակէ Արցախի բնակչութեան, դպրոցներուն եւ ՀՕՄ-ի ճամբով իրականացուող բոլոր ծրագիրներուն, այս անգամ մարդասիրական օժանդակութիւնը ուղղեց Սուրիա, զօրավիգ դառնալու սուրիահայութեան։
«alikonline.ir» - Իրանահայ «Թեւանիկ» բարեսիրական կազմակերպութիւնը, որ իր հիմնադրութեան օրերէն կ՚օժանդակէ Արցախի բնակչութեան, դպրոցներուն եւ ՀՕՄ-ի ճամբով իրականացուող բոլոր ծրագիրներուն, այս անգամ մարդասիրական օժանդակութիւնը ուղղեց Սուրիա, զօրավիգ դառնալու սուրիահայութեան։ Տեղեկացնում է «Թեւանիկ»-ի ֆէյսբուքեան էջը։
Գնահատելով «Թեւանիկ»-ի օգնութիւնը, պատասխանատու կազմը հրաւիրուեցաւ Հայաստանի Հանրապետութեան Սուրիոյ դեսպանատուն։
Դեսպան Նորա Արիսեան շնորհակալութիւն յայտնեց կազմին եւ գնահատեց Իրանի, Հայաստանի ու Սուրիոյ բարեկամական կապերը նման դժուար ժամանակներու մէջ զիրար օժանդակելը կարեւոր համարելով։
«Թեւանիկ»-ի պատասխանատու կազմը, գլխաւորութեամբ Իւէթ Դանիէլեանի, իր կարգին իրանահայութեան եւ «Թեւանիկ»-ի կողմէ ցաւակցութիւն յայտնեց դեսպանին, դեսպանատան անձնակազմին եւ Սուրիոյ ժողովուրդին՝ Սուրիոյ երկրաշարժին արձանագրուած զոհերուն համար։
Դեսպան Նորա Արիսեան ծանօթացաւ «Թեւանիկ»-ի գործունէութեան եւ բարձր գնահատեց զայն։
