Առողջապահութեան համաշխարհային կազմակերպութեան (ԱՀԿ) գլխաւոր տնօրէն Թեդրոս Ադհանոմ Գեբրէյեսուսը վստահ է, որ 2023 թ.-ին COVID-19-ի համավարակը կաւարտւի, եւ այս հիւանդութեան պատճառով յայտարարւած միջազգային արտակարգ իրավիճակը կը վերացւի։

Հայ մարզիկ Համազասպ Հլոյեանը Գինէսի ռեկորդակիր է դարձել՝ Երեւանում ուղղաթիռից կախւած վիճակում 1 րոպէում կատարելով 32 ձգում վարժութիւն: 

Մարտի 13-ին Արցախի Հանրապետութեան Ազգային ժողովի հինգ խմբակցութիւնները միասնական յայտարարութեամբ հանդէս եկան՝ դատապարտելով թշնամական Ադրբեջանի ցեղասպան գործողութիւնները, համոզմունք յայտնելով, որ ղարաբաղեան հակամարտութիւնը՝ որպէս միջազգային օրակարգի հարց, պէտք է լուծւի բանակցութիւնների միջոցով համապատասխան միջազգային կառոյցների միջնորդութեամբ ու երաշխիքներով, Մինսկի խմբի համանախագահ երկրների ներգրաւմամբ։ Այս մասին ասւում է «Համախմբում» շարժման տարածած յայտարարութեան մէջ։

Թբիլիսիի կենտրոնական Ռուսթաւէլի պողոտայում ցուցարարները խորհրդարանի շէնքից հանել են ԵՄ դրօշը, տրորել այն, ապա այրել։ Ակցիային մասնակցել են «Պահպանողական շարժում» կուսակցութեան եւ նրանց կողմից ստեղծւած «Ալտ ինֆօ» ինտերնետային հարթակի աջակիցները, գրում է sputnik-georgia.ru-ն:

Բեռլինում Գերմանիայի նախագահ Ֆրանկ-Վալտեր Շտայնմայերի հետ հանդիպման ժամանակ Իլհամ Ալիեւն անդրադարձել է նաեւ այսպէս կոչւած «Զանգեզուրի միջանցքի» հարցին։ Ալիեւը նշել է, որ այդ միջանցքը կարող է այլընտրանքային միջանցք ստեղծել ողջ տարածաշրջանի համար:

Հռոմի պապ Ֆրանցիսկոսը նշում է պապական աթոռը ստանձնելու 10-ամեակը՝ կարդինալների հետ հանդիսաւոր պատարագ մատուցելով Վատիկանի Սուրբ Մարթայի տանը, որտեղ նա ապրում է ընտրւելուց յետոյ:

 Արցախը հիմա կանգնած է չափազանց լուրջ մարտահրաւէրների առաջ, ու մենք այլ ճանապարհ չունենք, քան դրանց արժանապատւօրէն դիմակայելը: Այս մասին ֆէյսբուքեան իր էջում գրել է Արցախի նախկին պետնախարար Ռուբէն Վարդանեանը: