Հա

Հասարակական

23/02/2014 - 10:30

ՌԱԴԻՕ ԲԱՌ

Սրանից երեք թէ չորս տարի առաջ էր, երբ նոյն սիւնակիս բարակ առիթով փորձ արւեց անդրադարձ կատարել առանց թոշակի հանգստի կոչւած պապիկների առօրեայի ու կենցաղային հարցերի շուրջ:
Եւ այսպէս՝ տւեալ թեմայով խորանալու գործը մնաց գրասեղանիս դարակներում այնքան ժամանակ, մինչեւ նորից այցելելս Սասուն քաղաքամասում գտնւող 85-րդ հրապարակ, որտեղ համարւում է նրանց պաշտօնական հաւաքատեղին:

ՀԱՏԻՍ

Սրանից երեք թէ չորս տարի առաջ էր, երբ նոյն սիւնակիս բարակ առիթով փորձ արւեց անդրադարձ կատարել առանց թոշակի հանգստի կոչւած պապիկների առօրեայի ու կենցաղային հարցերի շուրջ:
Եւ այսպէս՝ տւեալ թեմայով խորանալու գործը մնաց գրասեղանիս դարակներում այնքան ժամանակ, մինչեւ նորից այցելելս Սասուն քաղաքամասում գտնւող 85-րդ հրապարակ, որտեղ համարւում է նրանց պաշտօնական հաւաքատեղին:
Այստեղ (հրապարակի աթոռների մասին է խօսքը) ամէն մարդ չէ, որ իրեն թոյլ կը տայ զբաղեցնել նստարանները - նոյնիսկ երբ դրանք դատարկ լինեն: Այսպիսով՝ նոյնիսկ կարելի է պատկերացում կազմել անցորդների թաղեցի չլինելու մասին...
Ինչեւէ, բացւելով նախօրօք շօշափւած թեմայի շուրջ, արձանագրենք, որ պապիկներին նոյնիսկ ցրտաշունչ ձմեռը չխանգարեց ջերմ պահել դոմինօների, նարդիների կամ նոյնիսկ քարտի սեղանների շուրջ կլորւող մթնոլորտը:
Ֆոտոապարատը տեսնելուն պէս՝ նրանց յուզող առաջին հարցը, բնականաբար, այն է, թէ ես «ումոնցից եմ» (որտեղացի եմ):

140223f02a

-Միակ հայկական օրաթերթից,- պատասխանում եմ ես (զգալով՝ որ տւածս պատասխանն այնքան էլ չի բաւարարել նրանց): Փորձում եմ մեր այս դեռ չգոյացած կապը չձախողեցնելու համար խօսել՝ հրապարակում յայտնւելուս հիմնական մտադրութեան մասին: Ինձ հասկացրին նաեւ, որ «ումոնցիցը»-ն իր մէջ նաեւ պարունակում է բազմաթիւ հարցեր: Դրանցից առաջինը կարող է լինել գաւառական պատկանելութեան հարցը, երկրորդը՝ ազգիդ ծառի ամենավերջին ճիւղի, եւ այսպէս շարունակելով մինչեւ այն, որ ապարատդ ինչքանով ես առել: Տպաւորութիւնն այնպիսին է, որ հարցուփորձը վարում են նրանք, ոչ թէ դու... մի խօսքով ճանաչողական այս գործընթացը- ինչ որ տեղ- կարող է նաեւ խօսել նրանց մօտ շրջապատին ու շրջափակին չվստահելու արդէն բնաւորութիւն դարձած երանգի մասին:
Այնտեղ տեղի ունեցած մեր այդ առաջին հանդիպման ժամանակ չյաջողւեց միանգամից խորանալ բուն նիւթի ուղղւածութեամբ: Այնպէս որ՝ գոնէ տեսութեան սահմաններում կարելի է հարցը բացել իր հիմնական ենթագլուխների տակ.
Առաջին՝ խոշոր տոկոսով նրանք համարւում են իրենց հիմնադրած արհեստանոցների վարպետները, ովքեր ժամանակին ինչ-ինչ պատճառներով չեն մտածել սոցապահովագրման կարեւորութեան մասին:

140223f02b

Երկրորդ՝ այժմ նրանց առօրեան ամէն ինչով կախւած է հէնց այն արհեստանոցից, որն արդէն տնօրինւում է սեփական որդու միջոցով: Իսկ դատելով ներկայ տնտեսական իրավիճակներից՝ կարելի է արձանագրել, որ այդ «խանութ» երեւոյթից գոյացած գումարով հազիւ թէ նոյնիսկ մէկ ընտանիքի առօրեան պոչը պոչին հասցւի: «ՀԷՆՑ ԸՏՈՒՐ ՀԱՄԱՐ ԷԼ ԳՐՒԵԼ ԵՆՔ, ՈՐ ԷԹԱՆՔ»-ի մասին խօսելով ասում է պապիկներից մէկը աչքը դոմինոյի քարերից չվերցնելով: Եւ այսպէս՝ գալիս ես անթոշակ հանգստի կոչւածների թեման զարգացնելու, բայց հետքերը քեզ տանում՝ հասցնում են արտագաղթի թեմային: Իսկ այս վերջինն այնպիսի երեւոյթ է, որին կողմ ու դէմ հանդիսացող պապիկները (եւ ոչ միայն) փորձում են իւրաքանչիւր խնդիր շաղկապելով միւսին՝ պատճառաբանել իրենց որոշումները կամ արածը:

140223f02c

Պապիկները նաեւ շատ կատակասէր են: Նրանցից մէկը միւսին կատակի թեմա դարձնելով՝ ասում է. «Սրա նկարը շաթրանջի կանես, ինքը ոչ մէկի չի ասել, որ նման տեղեր ա գալի...», ու բոլորը ծիծաղում են, ու դու զգում ես, որ արդէն կապը գոյացել է, եւ հիմա հարցեր տալու ժամանակն է: Նման հանդիպման փորձը եթէ կուզէք փորձանք չդառնայ, պէտք է շարունակել նախորդ հանդիպումների նիւթի հրապարակումից յետոյ: Այնպէս որ՝ մեր այս առաջին հանդիպման մասին պատմիչ նիւթի ու լուսանկարների առաջիկայ համարներից մէկով հրապարակումից յետոյ՝ առիթ կը լինի բաց թողնւած հարցերը եւս ուղղել նրանց:

Յարակից լուրեր

  • Ժողովրդագրութիւն` խոստումներ եւ իրական փաստեր
    Ժողովրդագրութիւն` խոստումներ եւ իրական փաստեր

    Իշխանափոխութեան ընթացքում եւ դրանից յետոյ ժողովրդագրութեան ոլորտում քաղաքական խոստումները նոր թափ ստացան՝ արտագաղթից դէպի հայրենադարձութիւն, ծնելիութեան բում, բնակչութեան թւի շեշտակի աճ եւ այլն: Բնական է, եթէ նկատի ունենանք, որ ժողովրդագրական ցուցանիշները մեր երկրում ունեն բացասական կայուն միտում: Ցաւօք, այս միտումը շարունակւում է նաեւ ներկայումս, եւ մօտեցել ենք ժողովրդագրական ճգնաժամի շեմին:

  • Չի կարելի պետականութեանը սպառնացող վարքագիծը դարձնել ամենօրեայ գործունէութիւն
    Չի կարելի պետականութեանը սպառնացող վարքագիծը դարձնել ամենօրեայ գործունէութիւն

    Տեղի է ունեցել ոչ թէ զբաղւածութեան ընդլայնում, այլ ընդհակառակը` նւազել են աշխատանքային ռեսուրսները: Այս մասին 168.am-ի հետ զրոյցում ասաց ՀՅԴ ԳՄ անդամ, ՀՅԴ մասնագիտական յանձնաժողովների համակարգող Արծւիկ Մինասեանը՝ ակնարկելով, որ գործազուրկների թիւը նւազել է արտագաղթի հետեւանքով:

  • Հայկական որակեալ դպրոցը՝ հայ աշակերտի անվիճարկելի իրաւունքն է
    Հայկական որակեալ դպրոցը՝ հայ աշակերտի անվիճարկելի իրաւունքն է

    Եթէ փորձենք վերյիշել մօտ անցեալը, երբ նոր էր մեկնարկել «օտար» դպրոցներում երեխայի բախտը որոնելու գործը, հիմքում երեւացողը՝ մեր աշակերտին լաւագոյնների հետ մէկ գրասեղանի վրայ կրթւելու հիմնաւորւած տրամաբանութիւնն է, սակայն այսօր, փաստօրէն, տրամաբանութիւններն էլ են գունաթափւել, ձեռքբերումներն ու արդիւնքներն էլ:

  • 2016 թ.-ին Հայաստանից մեկնել է 37 հազար մարդ, որից 53 տոկոսը՝ անվերադարձ
    2016 թ.-ին Հայաստանից մեկնել է 37 հազար մարդ, որից 53 տոկոսը՝ անվերադարձ

    Հայաստանում ծնելիութեան նւազմանը, մահացութեան աւելացմանը զուգահեռ աճում է նաեւ միգրացիան: Այս մասին լրագրողների հետ հանդիպման ժամանակ ասել է «Վերադարձ եւ պաշտպանութիւն» սոցիալ-իրաւական ՀԿ նախագահ Տաթեւիկ Բեժանեանը:

  • Փակուղիի խորութեան անհամապատասխան «Փակուղի»-ն
    Փակուղիի խորութեան անհամապատասխան «Փակուղի»-ն

    Սփիւռքը տարողունակ է. նաեւ՝ յարափոփոխ, երբեմն կենսունակ՝ ըստ վայրի, երբեմն ալ՝ անյոյս ու խորտակւող: Բայց միշտ ուժական (dynamic) ու երբե՛ք «սթաթիք»: Ներկայ Սփիւռքը նախ բռնագաղթի, ապա արտագաղթի հետեւանք է:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։