Եւրոպական գրանդ ակումբներից, Գերմանիայի չեմպիոն «Բայերն Միւնխէն»-ի գլխաւոր տնօրէն Կառլ-Հայնց Ռումենիգէն կոչ է արել համաեւրոպական մակարդակում կրճատել ծախսերը ֆուտբոլում:
«alikonline.ir» - Եւրոպական գրանդ ակումբներից, Գերմանիայի չեմպիոն «Բայերն Միւնխէն»-ի գլխաւոր տնօրէն Կառլ-Հայնց Ռումենիգէն կոչ է արել համաեւրոպական մակարդակում կրճատել ծախսերը ֆուտբոլում. Հաղորդում է գերմանական սպորտայի պարբերական Kicker-ը:
«Ֆուտբոլում պէտք է լինի աւելի մեծ իմաստ։ Տարիների ընթացքում աճել են խաղացողների վարձատրութիւնը, տրանսֆերային գումարները, գործակալների բոնուսները։ Ֆուտբոլը պէտք է ազատւի աւելորդ ծախսերից։ Պէտք է լինի համաեւրոպական որոշում»,- ասել է նախկին աշխարհահռչակ ֆուտբոլիստը:
Նշենք, որ կորոնավիրուսի համավարակի հետեւանքով եւրոպական առաջնութիւնները դադարեցւած են։ Կանխատեսւում է, որ լիգաներն ու ակումբները կունենան զգալի ֆինանսական կորուստներ։ Շատ թիմեր արդէն կրճատել են ֆուտբոլիստների աշխատավարձը։
