Print this page
12/10/2021 - 08:10

ԱԱ 2022. Հայաստանը նւազագոյն հաշւով պարտւեց Ռումինիային

2022 թւականի ֆուտբոլի Աշխարհի առաջնութեան ընտրական փուլի J խմբի 8-րդ տուրում Հայաստանի ազգային հաւաքականը Բուխարեստում ուժերը չափեց Ռումինիայի ընտրանու հետ: 

«alikonline.ir» - 2022 թւականի ֆուտբոլի Աշխարհի առաջնութեան ընտրական փուլի J խմբի 8-րդ տուրում Հայաստանի ազգային հաւաքականը Բուխարեստում ուժերը չափեց Ռումինիայի ընտրանու հետ: 

Առաջին խաղակէսն անցաւ դաշտի տէրերի խաղային եւ տարածքային բացայայտ առաւելութեամբ: Նրանք գնդակը ժամանակի 72%-ի ընթացքում վերահսկում էին գնդակին՝ թոյլ չտալով հայաստանի հաւաքականին ոչ մի հարւած կատարել իրենց դարպասին: 

26-րդ րոպէին անկիւնայինից յետոյ դաշտի տէրերը բացեցին հաշիւը: Գոլի հեղինակ դարձաւ Եոնուց Միտրիցէին։ 

Երկրորդ խաղակէսին գլխաւոր մարզիչ Խոակին Կապառոսի կատարած փոփոխութիւններից յետոյ, Հայաստանի հաւաքականը տիրեց նախաձեռնութեանը եւ մի քանի վտանգաւոր գրոհներ կազմակերպեց, սակայն պատասխան գոլ խփել չյաջողւեց։ Ուշագրաւ է այն փաստը, որ Հենրիխ Մխիթարեանը երկու անգամ մենակ դուրս եկաւ մրցակցի դարպասապահի դէմ, սակայն դիպուկ հարւած կատարել չկարողացաւ։

Հանդիպումն աւարտւեց ռումինացիների յաղթանակով նւազագոյն՝ 1:0 հաշւով: Այս յաղթանակի շնորհիւ Ռումինիայի հաւաքականաը 13 միաւորով բարձրացաւ J խմբի մրցաշարային աղիւսակի երկրորդ տեղ։ 

Այս խմբի առաջատարը Գերմանիայի հաւաքականն է, որը երէկ հիւրընկալւելիս 4:0 հաշւով պարտութեան մատնեց Հիւսիսային Մակեդոնիային,եւ վաստակելով 21 միաւոր, ընտրական փուլի աւարտից 2 տուր առաջ ապահովեց եզրափակիչ մրցաշարի ուղեգիրը։ 

Հայաստանի հաւաքականը 12 միաւորով չորրորդն է, նոյնքան միաւոր ունի Հիւսիսային Մակեդոնիան, որը երրորդն է։

 

Յարակից լուրեր