Հա

Մարզական

10/05/2022 - 08:20

Պետրոս Պետրոսեանը՝ երիտասարդների աշխարհի փոխչեմպիոն

Յունաստանի Հերակլիոն քաղաքում աւարտւող ծանրամարտի աշխարհի երիտասարդական առաջնութիւնում Հայաստանի վերջին մասնակից Պետրոս Պետրոսեանը նւաճեց փոխչեմպիոնի կոչումը: 102 կգ քաշայինների պայքարում հայ ծանրարոդը երկամարտում գրանցեց 363 կգ արդիւնք եւ նւաճեց արծաթէ մեդալ:

«alikonline.ir»- Յունաստանի Հերակլիոն քաղաքում աւարտւող ծանրամարտի աշխարհի երիտասարդական առաջնութիւնում Հայաստանի վերջին մասնակից Պետրոս Պետրոսեանը նւաճեց փոխչեմպիոնի կոչումը: 102 կգ քաշայինների պայքարում հայ ծանրարոդը երկամարտում գրանցեց 363 կգ արդիւնք եւ նւաճեց արծաթէ մեդալ: Գրում է Sport.news.am-ը:

Պոկում վարժութիւնում Պետրոս Պետրոսեանը առաջին մօտեցմամբ յաջողութեամբ բարձրացրեց 155 կգ-ն: Երկրորդ մօտեցման համար պատւիրւած 160 կգ-ն ձախողեց, բայց երրորդ մօտեցմանը պոկեց 161 կգ: Այս վարժութիւնունում երիտասարդ ծանրորդը փոքր մեդալ չնւաճեց:

Լարւած ստացւեց հրում վարժութեան պայքարը: Պետրոս Պետրոսեանը նախ հրեց 195 կգ, երկրորդ մօտեցմամբ՝ 202 կգ: Երրորդ մօտեցման համար Հայաստանի թիմի մարզիչները միանգամից 10 կգ-ի քայլ կատարեցին եւ պատւիրեցին 212 կգ, որպէսզի Պետրոսեանն առաջ անցնի ուզբեկ մրցակցից եւ ապահովի երկամարտի ոսկէ մեդալը, բայց Հայաստանի ներկայացուցիչը չկարողացաւ հրել: Այս վարժութիւնում նա նւաճեց փոքր բրոնզէ մեդալը՝ ընդամէնը 2 կգ-ով հետ մնալով ուզբեկ մարզիկից:

Երկամարտի 363 կգ արդիւնքով Պետրոս Պետրոսեանը նւաճեց երիտասարդների աշխարհի փոխչեմպիոնի տիտղոսը: Ոսկէ մեդալակիր դարձաւ ուզբեկ Շարոֆիդին Ամրիդինովը (372կգ), բրոնզէ մեդալակիր պաղեստինցի Համադա Մոհամեդը (361 կգ):

Մելիք Ղուկասեանի գլխաւորած թիմը 5 մեդալով աւարտեց պայքարը երիտասարդների աշխարհի առաջնութիւնում՝ երկու ոսկէ, երկու արծաթէ եւ մէկ բրոնզէ մեդալներով:

Ոսկէ մեդալակիրներ դարձան Գառնիկ Չալոյեան (55կգ) եւ Գարիկ Կարապետեանը (96 կգ), արծաթէ մեդալակիրներ Սուրէն Գրիգորեան (89 կգ) եւ Պետրոս Պետրոսեան (102 կգ),  բրոնզէ մեդալակիր՝ Գոռ Սահակեան (67կգ):

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։