Հա

Մարզական

02/06/2022 - 10:20

Ռաֆայէլ Յարութիւնեանը՝ Եւրոպայի չեմպիոն

Հայաստանն առաջին չեմպիոնն ունեցաւ Ալբանիայի մայրաքաղաք Տիրանայում ընթացող ծանրամարտի Եւրոպայի առաջնութիւնում: 

«alikonline.ir» - Հայաստանն առաջին չեմպիոնն ունեցաւ Ալբանիայի մայրաքաղաք Տիրանայում ընթացող ծանրամարտի Եւրոպայի առաջնութիւնում: Տեղեկացնում է Sport.News.am-ը:

81 կգ քաշային կարգում բոլորին յետ թողեց Ռաֆայէլ Յարութիւնեանը: Երիտասարդների աշխարհի բրոնզէ մեդալակիր, Եւրոպայի մինչեւ 23 տարեկանների չեմպիոնը երկամարտում գրանցեց 354 կգ (160+194):

Այս քաշային կարգում Հայաստանի միւս մասնակից Կարէն Մարգարեանը երկամարտի 337 կգ-ով զբաղեցրեց չորրորդ տեղը:

Պոկում վարժութիւնում Ռաֆայէլ Յարութիւնեանը ձախողեց առաջին մօտեցումը, որի համար պատւիրել էին 155 կգ-ը: Երկրորդ մօտեցմամբ դժւարութեամբ, բայց բարձրացրեց 155 կգ-ն: Երրորդ մօտեցման համար հաւաքականի գլխաւոր մարզիչ Փաշիկ Ալավերդեանը պատւիրեց 160 կգ եւ Ռաֆայէլ Յարութիւնեանը յաջողութեամբ ֆիքսեց ծանրաձողը գլխավերեւում: Այս վարժութիւնում Ռաֆայէլ Յարութիւնեանը նւաճեց փոքր արծաթէ մեդալ:

Կարէն Մարգարեանն առաջին մօտեցմամբ բարձրացրեց 152 կգ, երկրորդ մօտեցմամբ ձախողեց 156 կգ-ը, երրորդ մօտեցումը եւս ձախողեց եւ այս վարժութիւնն աւարտեց 152 կգ-ով:

Հրում վարժութիւնը Ռաֆայէլ Յարութիւնեանը պայքարը սկսեց 187կգ-ով: Երկրորդ մօտեցման համար Փաշիկ Ալավերդեանը պատւիրեց 194 կգ, որը հրելու դէպքում Ռաֆայէլ Յարութիւնեանը դառնում է Եւրոպայի չեմպիոն եւ Հայաստանի հաւաքականի անդամը յաջողութեամբ հրում է 194 կգ-ը՝ ապահովելով իր տեղը երկամարտի առաջին տեղում:

Ռաֆայէլ Յարութիւնեանը հրաժարւեց երրորդ մօտեցումից եւ նւաճեց այս վարժութեան փոքր ոսկէ մեդալը: 

Կարէն Մարգարեանը առաջին փորձով հրեց 185 կգ: Երկրորդ մօտեցմամբ ձախողեց 190 կգ-ը, երրորդով՝ 192 կգ-ն:

 

Յարակից լուրեր

  • «Յաղթանակս նւիրում եմ ընտանիքիս եւ հայ ազգին». Եւրոպայի չեմպիոն Ռաֆայէլ Յարութիւնեան
    «Յաղթանակս նւիրում եմ ընտանիքիս եւ հայ ազգին». Եւրոպայի չեմպիոն Ռաֆայէլ Յարութիւնեան

    Շատ էի սպասել այս օրւան: Յաղթանակս նւիրում եմ ընտանիքիս եւ ամբողջ հայ ազգին:

    Այս մասին Sport.News.am-ի թղթակցի հետ զրոյցում Ալբանիայից ասաց ծանրամարտի Եւրոպայի նորընծայ չեմպիոն Ռաֆայէլ Յարութիւնեանը:

  • Յովհաննէս Բաչկովը՝ Եւրոպայի եռակի չեմպիոն
    Յովհաննէս Բաչկովը՝ Եւրոպայի եռակի չեմպիոն

     

    «alikonline.ir» - Հայաստանի առաջատար բռնցքամարտիկ, Տոկիոյի Օլիմպիական խաղերի բրոնզէ մեդալակիր, աշխարհի եռակի բրոնզէ մեդալակիր Յովհաննէս Բաչկովը երրորդ անգամ նւաճեց Եւրոպայի չեմպիոնի տիտղոսը: Գրում է Sport.News.am-ը:

    Երեւանի Կարէն Դեմիրճեանի անւան մարզահամերգային համալիրում անցկացւող առաջնութեան 63,5 կգ քաշային կարգի եզրափակիչում Յովհաննէս Բաչկովը մենամարտեց Ֆրանսիայի ներկայացուցիչ Լունէս Ամրաոիի հետ եւ յաղթանակ տարաւ մրցավարների միաձայն որոշմամբ։ Երեք ռաունդներում էլ Բաչոկվը յաղթեց 5:0 հաշւով։ Երրորդ ռաունդում նաեւ նոկդաունի ենթարկեց մրցակցին։

    Սա Յովհաննէս Բաչկովի երրորդ չեմպիոնութիւնն է: Առաջին անգամ գիւմրեցի բռնցքամարտիկը չեմպիոն էր դարձել 2017 թւականին Խարկովում անցկացւած Եւրոպայի առաջնութիւնում:

    Երկրորդ ոսկէ մեդալը նւաճել էր 2019 թւականին Մինսկում տեղի ունեցած Եւրոպական խաղերում, որն այդ տարի փոխարինում էր Եւրոպայի առաջնութեանը:

     

  • Եւրոպայի չեմպիոն Սամուէլ Գասպարեան. «Յաղթանակս Արցախեան պատերազմում զոհւած մեր հերոսներինն է»
    Եւրոպայի չեմպիոն Սամուէլ Գասպարեան. «Յաղթանակս Արցախեան պատերազմում զոհւած մեր հերոսներինն է»

    Յաղթանակս մեր հերոսներինն է, բոլոր մեր եղբայրներինը, որոնք իրենց կեանքը չխնայեցին մեր հայրենիքի սահմանները պաշտպանելու համար: Այսօրւայ մրցահարթակի պայքարն աւելի պարտաւորեցնող էր, որովհետեւ անպայման պէտք է յաղթէինք ու ապացուցէինք՝ մենք ուժեղ ազգ ենք:

  • Եւրոպայի ծանրամարտի առաջնութիւնը յետաձգւել է
    Եւրոպայի ծանրամարտի առաջնութիւնը յետաձգւել է

    Եւրոպայի ծանրամարտի առաջնութիւնը յետաձգւել է կորոնավիրուսի պատճառով:

  • Չեմպիոնների լիգա.  YOU՛LL NEVER WALK ALONE. «Լիւերպուլ»-ը՝ չեմպիոն
    Չեմպիոնների լիգա. YOU՛LL NEVER WALK ALONE. «Լիւերպուլ»-ը՝ չեմպիոն

    14 տարւայ դադարից յետոյ, «Լիւերպուլ»-ը դարձեալ նւաճեց ՈՒԵՖԱ-ի Չեմպիոնների լիգայի գաւաթը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։