Հա

Մարզական

26/06/2022 - 08:40

Հայաստանի բասկետբոլի հաւաքականը երկրորդ յաղթանակը տարաւ Ռեքս Կալամեանի գլխաւորութեամբ

Երեւանի Կարէն Դեմիրճեանի անւան մարզահամերգային համալիրում ընթացող SADA CUP բասկետբոլի միջազգային մրցաշարում Հայաստանի ազգային հաւաքականը երկրորդ հանդիպումն անցկացրեց եւ տարաւ երկրորդ յաղթանակը:

«alikonline.ir» - Երեւանի Կարէն Դեմիրճեանի անւան մարզահամերգային համալիրում ընթացող SADA CUP բասկետբոլի միջազգային մրցաշարում Հայաստանի ազգային հաւաքականը երկրորդ հանդիպումն անցկացրեց եւ տարաւ երկրորդ յաղթանակը: Տեղեկացնում է Sport.News.am-ը:

Յունիսի 25-ին NBA մարզիչ Ռեքս Կալամեանի գլխաւորած Հայաստանի հաւաքականը մրցեց Իրանի հաւաքականի հետ եւ առաջին երկու քառորդներում պարտւելուց յետոյ կամային յաղթանակ տարաւ 77:73 հաշւով:

Առաջին քառորդում Հայաստանի ընտանին մեծ: Մի քանի գնդակ մրցակցի զամբիւցը նետելուց յետոյ Հայաստանի հաւաքականը զիջեց դիրքերը Իրանի հաւաքականին: Կարճ ընդմիջումից յետոյ Հայաստանի թիմի ակտիւութիւնը շարունակւեց, բայց հայ  բասկետբոլիստները դժւարութեամբ էին չեղքում մրցակցի պաշտպանութիւնն ու գնդակը մրցակցի զամբիւղը նետում: Առաջին քառորդից յետոյ թիմերը գնացին հանգստի 23:16 հաշւով՝ Իրանի հաւաքականի առաւելութեամբ:

Երկրորդ քառորդում Հայաստանի թիմը նոյն մարտավարութեամբ մեծ ակտիւութեամբ սկսեց եւ միաւորներով գրեթէ հաւասարւեց մրցակցին: Սակայն քառորդի միջնամասից յետոյ չկարողացաւ առաջ անցնել հաշւի մէջ:  31:25 հաշւի ընթացքում մրցակցի կոպիտ խախտումից յետոյ մրցավարը տուգանային նշանակեց, սակայն Հայաստանի հաւաքականի 34 համարի խաղացող Դաւիթ Խաչատրեանը  ձախողեց:

Քիչ անց Անդրէ Սփայթ Մկրտչեանի գրոհը խախտումով կասեցնելու համար մրցավարը եւս մէկ տուգանային նշանակեց: Երեք փորձից յետոյ երեք միաւոր վաստակելով՝ Անդրէ Սփայթ Մկչտրեանը հաւասարեցրեց խաղի հաշիւը 31:31:

Երկրորդ քառորդի վերջին վայրկեաններին Ալբերտ Թադէոսեանի նկատմամբ Իրանի թիմի հերթական խախտման պատճառով Հայաստանի հաւաքականը եւս մէկ տուգանայինի հնարաւորութիւն ստացաւ, սակայն Թադէոսեանը ձախողեց: Մրցակիցները գնացին մեծ ընդմիջման 35:32 հաշւով՝ Իրանի հաւաքականի առաւելութեամբ:

Երրորդ ռաունդը գերլարւած ստացւեց: Հայաստանի հաւաքականն աւելացրեց ճնշումը՝ ստիպելով մրցակցին կոպիտ խախտումներ անել, որի արդիւնքում  տուգանայիններ էր վաստակում: Երրորդ ռաունդի մեկնարկից րոպէներ անց Հայաստանի հաւաքականն առաջ անցաւ հաշւի մէջ եւ պահպանեց առաւելութիւնը մինչեւ քառորդի աւարտը՝ 57:55:

Վերջին քառորդում Հայաստանի հաւաքականը ոչ մի շանս չէր Իրանի թիմին՝ կասեցնելով գրոհներն եւ մրցակցի զամբիւղը գրաւելով:

Հայաստանի հաւաքականը մինչեւ վերջին վայրկեանը յամառ պայքարում հաշւի մէջ պահպանեց առաւելութիւնը եւ յաղթեց 77:73 հաշւով:

Հայաստան - Իրան հանդիպման վերջում Ռեքս Կալամեանը Հայաստանի հաւաքականի անդամների հետ միասին ծափահարութիւններով շնորհակալութիւն յայտնեց երկրպագուներին, իսկ բասկետբոլիստներն առանձին-առանձին ձեռք մեկնեցին տրիբունաներից իրենց ողջունող երկրպագուներին:

Մարզահամերգային համալիրում էր նաեւ Ֆուտբոլի Հայաստանի ազգային հաւաքականի երկրպագուների ՖԱՖ շարժումը, որը ոգեւորիչ երգերով եւ վանկարկումներով ամբողջ հանդիպման ընթացքում ապահովեց տրիբունաների աջակցութիւնը:

Հանդիպման լաւագոյն խաղացող ճանաչւեց Անդրէ Սփայթ Մկրտչեանը՝ վաստակելով 26 միաւոր: Նա նաեւ 4 անգամ տիրեց օղակից անդրադարձող գնդակին եւ կատարեց 4 արդիւնաւէտ փոխանցում:

Մեկնարկային խաղում Հայաստանի հաւաքականը 94։59 հաշւով յաղթել էր «Թիմ ԱՄՆ»-ին:

Հայաստանի ազգային հաւաքականը վերջին խաղում ուժերը կը չափի Սիրիայի հաւաքականի հետ: Հանդիպումը տեղի կունենայ յունիսի 26-ին, 17:00-ին:

 

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։