Սիրելի հայրենակիցներ,

«alikonline»-ի աշխատակիցները սրտանց շնորհաւորում են Ձեզ՝ Աամնորի կապակցութեամբ:

Նոր տարւան սեմին, քրիստոնէական սիրով ու հայրապետական օրհնութեամբ կողջունենք մեր ժողովուրդի սիրելի զաւակները։

Նոր տարին մարդը, անհատապէս թէ հաւաքաբար, ինքնահայեցողութեան ու ինքնաքննութեան հրաւիրող պահ է։ Եկէք պահ մը մեր հայեացքները սեւեռենք հայ կեանքին վրայ։

Նոր տարւայ առաջին այս ժամերին հոգեկան բաւարարութեամբ եւ առ Աստւած բարձրացած գոհաբանական աղօթքով ողջունում եմ ձեզ եւ սրտանց ու անկեղծագոյն զգացումներով շնորհաւորում բոլորիդ մաղթելով, որ սկսւող 2022 Նոր տարին բոլորիս համար լինի աստւածային օրհնութիւններով ու բարիքներով լի մի տարի. տարի՛, որի իւրաքանչիւր օրն ու ժամը իր խորհուրդով մարդ արարածը անկանխատեսելի երեւոյթների, դէպքերի առաջ է կանգնեցնում։

Տարին աւարտւում է եւ նոր տարեշրջան է բացւում: Անցեալը չենք կարող մոռանալ, սակայն տկարութեան մէջ իսկ նւիրւելու ենք աշխատանքի, մեր տկարութիւնը զօրութեան փոխակերպելու համար: Նահատակների սուրբ արիւնը ինքնին բալասան է տկարութեամբ վիրաւոր մարդու բաց վէրքերին, որովհետեւ նրանց մայրերի արցունքախառն վրէժխնդրութիւնը թրծում է նոյնիսկ ամենատկարի կամքը, եւ բոցկլտացող աչքեր պարգեւում նրան: 

Մեր ազգն ու հայրենիքը անհրաժեշտ ու հրամայական պահանջքն ունեն իւրաքանչիւր հայորդու անձնազոհ ու նւիրեալ ծառայութեան: Մեր ազգի ու հայրենիքի հանդէպ մեր պարտքը կարող ենք լաւագոյն ձեւով վճարել, եթէ որդեգրենք արդար լուծումը՝ մեր կեանքի ամենօրեայ սուղ ու թանկագին ժամերից բաժին տրամադրելով ընդհանրական կամ հաւաքական աշխատանքին: