Հ. Մ. «Սիփան» միութիւնը՝ հայոց ազգային դպրոցների աջակից

Հ. Մ. «Սիփան» միութիւնը առաջնորդւելով մատաղ սերնդի ֆիզիկական եւ մտային պատրաստւածութեան եւ դպրոց-միութիւն կապի ամրապնդման գաղափարներով 2023 թւականի դեկտեմբեր ամսից մինչ թւականիս մարտ ամսւայ աւարտը՝ Համադպրոցական խաղերի առթիւ պատրաստւածութեան համար համագործակցութեան ձեռք մեկնեց Թեհրանի հայոց ազգային «Թունեան», «Նայիրի», «Արարատ» եւ «Շանթ» տարրական դպրոցներին եւ աւելի քան 80 պահով տրամադրեց իր «Նորայր Էլսայեան» մարզադահլիճը նշեալ դպրոցների մարզումների համար։ Միութիւնս միշտ յօժարակամ մասնակցել է եւ կը մասնակցի համայնքի զարգացմանը առչւող նախաձեռնութիւններին։ Մենք քաջ գիտակցում ենք, որ Համադպրոցական խաղերը առիթ են ստեղծում հայ դպրոցականների ֆիզիկական զարգացմանը, որի շրջանակում նաեւ կարեւոր դաստիարակչական դասեր այդ թւում ընկերասիրութիւն, զիջում, համագործակցութիւն եւ այլ վայել պահւածքներ են փոխանցում հայորդիներին։

Յուսանք, որ հայոց դպրոցները տարէցտարի աւելի կը կարեւորեն միութիւնների հետ համագործակցութիւնը եւ ձեռք-ձեռքի տւած միասնական ուժերով կը կերտենք ուժեղ եւ հզօր համայնք։

Հ. Մ. «ՍԻՓԱՆ» ՄԻՈՒԹԻՒՆ