Թեհրան
«ԱԼԻՔ» այցելեց Մեծի Տանն Կիլիկիոյ կաթողիկոսութեան միաբան՝ հոգեշնորհ Տ. Վիգէն վրդ. Տալգլըճեանը
«ԱԼԻՔ» – Երէկ՝ դեկտեմբերի 23-ի առաւօտեան «ԱԼԻՔ»-ը հիւրընկալեց Մեծի Տանն Կիլիկիոյ կաթողիկոսութեան միաբան՝ հոգեշնորհ Տ. Վիգէն վրդ. Տալգլըճեանին, ով Թեհրանի հայոց թեմի առաջնորդ Տ. Սեպուհ արք. Սարգսեանի հրաւէրով հիւրաբար Թեհրանում է:
Այցի ընթացքում օրաթերթիս գլխաւոր խմբագիր Արամ Շահնազարեանը հիւրին բացատրութիւններ փոխանցեց «ԱԼԻՔ»-ի անցած ուղու, կատարւած եւ կատարւող աշխատանքների մասին: Հայր Սուրբին հետաքրքրում էր «ԱԼԻՔ»-ի արխիւը, քանի որ ինքը անձամբ զբաղւած է արխիւային աշխատանքով: Հիւրը այցելեց խմբագրատուն, տպարան, եւ հիմնարկութեան տարբեր բաժիններ, մօտկից ծանօթանալով բոլոր բաժինների աշխատանքներին:
