«Հին աստւածներ»-ը՝ Բիայնա Մահմուդեանի նոր ձեռագրով

«ԱԼԻՔ» – Այսօր, չորեքշաբթի, նոյեմբերի 8-ից սկսած Հ.Մ.Ա.Կ.-ի «Կոմիտաս» սրահում մեկնարկելու է «Հին աստւածներ»-ի պարսկերէն լեզւով ներկայացման 6-օրեայ խաղաշրջանը:

Արդէն իսկ Իրանի կինոյի ու թատրոնի ասպարէզում յայտնի դերսան-ռեժիսոր Բիայնա Մահմուդեանի բեմադրութեամբ ««Սիփան»-ի թատրոնի տուն»-ը բեմականացնելու է Լեւոն Շանթի գլուխգործոց՝ «Հին աստւածներ»-ի հիման վրայ պատրաստւած ներկայացումը:

Ներկայացման տեքստի պարսկերէն թարգմանութիւնը եւս Բիայնա Մահմուդեանի աշխատութիւնն է, ինչը նոյեմբերի 8-ին, 9-ին, 10-ին, 14-ին, 15-ին եւ 16-ին յանձնւելու է հանդիսատեսի դատին:

Նախաձեռնութիւնը Հ. Մ. «Սիփան» միութեան Արւեստից բաժանմունքինն է, ինչն իրականացւում է Հ.Մ.Ա.Կ.-ի համագործակցութեամբ:

Արժէ յիշեցնել, որ խաղաշրջանի կարճատեւութեան, ինչպէս նաեւ «tiwall.com»-ի հարթակում տոմսերի առցանց վաճառքի բերումով հնարաւոր է, որ ժամանակից շուտ սպառւեն տոմսերը: Տոմս կարելի է ձեռք բերել նաեւ Հ. Մ. «Սիփան» միութիւնից: