Պատգամաւորները դատապարտել են
«ԱԼԻՔ» – Իրանի Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը, Սպահանի եւ հարաւային իրանահայութեան պատգամաւոր Գեղարդ Մանսուրեանը, ինչպէս նաեւ ասորիների եւ քաղդէական համայնքի պատգամաւոր Շառլի Էնւիէ Թեքիէն հանդէս են եկել համատեղ յայտարարութեամբ՝ դատապարտելով 2024 թւականի Օլիմպիական խաղերի կազմակերպիչների կողմից քրիստոնեաների սրբութիւնները վիրաւորող գործողութիւնը:
Յատարարութեան մէջ մասնաւորապէս նշւած է. «Տեղի ունեցածը ցաւալի եւ նողկալի դէպք է: Սա առաջին անգամը չէ, որ Յիսուս Քրիստոսին նւաստացնող պատկերն օգտագործւում է արեւմտեան ԶԼՄ-ներու եւ արւեստի արտադրութիւններում, իսկ այժմ, նաեւ՝ Ֆրանսիայի կողմից կազմակերպւած կարեւոր սպարտային իրադարձութեան ժամանակ: Այս եղկելի պահւածքը տուրք է կրօնը ուրացող անձանց անվերջանալի պահանջներին, որը ցաւօք պայմանաւորւած է արեւմտեան երկրների իշխանութիւնների կողմից համասեռամոլութեանը աջակցութեամբ եւ հաւանութեամբ եւ, մասնաւրապէս, կրօնական որոշ երէցների լռութեամբ, ինչը Փարիզի Օլիմպիական խաղերի կազմակերպիչներին լկտի համարձակութիւն է շնորհել՝ հեշտութեամբ ծաղրելու քրիստօնէական հաւատքն ու հաւատամքները:
Ուստի մենք՝ Իրանի իսլամական խորհրդարանում հայ եւ ասորի քրիստոնեայ համայնքների ներկայացուցիչներս մերժում եւ խստօրէն դատապարտում ենք Յիսուս Քրիստոսի «Խորհրդաւոր ընթրիք» կտաւի ծաղրը, որը դրոշմւած է աշխարհի ճշմարիտ քրիստոնեաների մտքերում ու սրտերում, եւ ակնկալում ենք, որ ողջ աշխարհի քրիստոնեաների կրօնական առաջնորդները կը յայտնեն համասեռամոլութեան երեւոյթը դատապարտող իրենց յստակ տեսակէտը, որպէսզի կանխեն նման սատնայական վարքագծի կրկնութիւնը եւ իրենց համերաշխութիւնը յայտնեն աշխարհի այն քրիստոնեաներին, որոնց հաւատքը վիրաւորւել է»:
