ՀՅԴ Բիւրօն դատապարտում է Իրանի եւ Իրանի ժողովրդի դէմ Իսրայէլի գործողութիւնները

Յունիսի լոյս 13-ի գիշերը Իսրայէլի ռազմաօդային ուժերը զանգւածային հարւածներ են հասցրել Իրանի Իսլամական Հանրապետութեանը՝ թիրախաւորելով միջուկային էներգիայի ենթակառուցւածքների օբիեկտները, զինւորական հրամանատարութեանը, գիտնականների, քաղաքացիական շինութիւններ եւ ենթակառուցւածքներ։

Իրանի դէմ Իսրայէլի յարձակումն ու ռազմական ծաւալուն գործողութիւնները, հակասում են ՄԱԿ-ի կանոնադրութեանը, միջազգային իրաւունքին եւ հարւածի տակ են դնում խաղաղ ազգաբնակչութեան կեանքի իրաւունքը։

Մերձաւոր Արեւելքում ծաւալւող ռազմական գործողութիւնների եւ աշխարհաքաղաքական շարունակական ցնցումների համատեքստում Իսրայէլի գործողութիւնները խիստ մտահոգիչ են, յղի անկանխատեսելի զարգացումներով։

Իրավիճակի հետագայ ծաւալումն անխուսափելի բացասական հետեւանքներ կը թողնի, յատկապէս՝ խաթարելով տարածաշրջանի խիստ փխրուն կայունութիւնը, անվտանգութիւնն ու խաղաղութիւնը։

Խիստ մտահոգւած ստեղծւած իրավիճակով, ՀՅԴ Բիւրօն դատապարտում է Իրանի եւ Իրանի ժողովրդի դէմ Իսրայէլի գործողութիւնները եւ անընդունելի համարում միջպետական խնդիրները ռազմական ճանապարհով լուծելու քաղաքականութիւնը։

Ցաւակցում ենք զոհւածների հարազատներին եւ համոզում յայտնում, որ լայնածաւալ պատերազմից խուսափելու լաւագոյն ճանապարհը բանակցային գործընթացն է։

ՀՅԴ ԲԻՒՐՕ

14․06․2025