«ԱԼԻՔ» – «Եթէ թշնամին որեւէ քայլ ձեռնարկի Պարսից ծոցում եւ կղզիներում, Իսլ. յեղափոխութան պահապանների կորպուսի ռազմածովային ուժերը կը պատասխանեն լիակատար պատրաստութեամբ»: Ինչպէս հղորդում է «Թասնիմ»-ը՝ այս մասին յայտարարել է ԻՅՊԿ հրամանատար, գեներալ Մոհամմադ Փաքփուրը, որը այցելել էր Պարսից ծոցի կղզիներ՝ տեղում ստուգելու ԻՅՊԿ ռազմածովային ուժերի մարտական պատրաստւածութիւնը:
«ԻՅՊԿ-ի նաւատորմը զինւած է եւ պատրաստ է հակազդել թշնամու որեւէ քայլի։
Ինչպէս Զինւած ուժերը 12-օրեայ պարտադրւած պատերազմում ծնկի բերեցին սիոնիստական ռեժիմին եւ Միացեալ Նահանգներին, այնպէս էլ եթէ թշնամիները Պարսից ծոցում եւ կղզիներում որեւէ շարժում ձեռնարկեն, ԻՅՊԿ-ի ռազմածովային ուժերը կը պատասխանեն լիակատար պատրաստութեամբ։
Թշնամին սարսափում է մեր զինւորների հոգեւոր յատկութիւններից եւ քաջութիւնից: Փառք Աստծոյ, այս այցի ժամանակ զինւորների հոգեւոր եւ մարտական պատրաստւածութիւնը շատ բարձր էր»,- ասել է ԻՅՊԿ հրամանատարը:
