ՀԱՂՈՐԴԱԳՐՈՒԹԻՒՆ
Ի հետեւումն նախորդ հաղորդագրութեան, մեր սիրելի համայնքին տեղեկացնում ենք, որ հինգշաբթի, սեպտեմբերի 28-ին, ատենապետութեամբ ճրտպ. Նորայր Արամեանի, ազգային առաջնորդարանի դահլիճում գումարւեց Թեմական խորհրդի կողմից կեանքի կոչւած՝ Արցախում տեղի ունեցած իրադարձութիւններից տուժածներին եւ բռնի տեղահանւած արցախահայութեանը օժանդակող յանձնախմբի անդրանիկ նիստը, որի դիւանն ընտրւեց ըստ հետեւեալի՝
Ալֆրէդ Քեշիշեան՝ Ատենապետ
Մաթօ Մատթէոսեան՝ Նիւթականի պատասխանատու
Վահէ Ահարոնեան
Վահէ Միրզաբէգ
Էդւին Միրզայեան
Յակոբ Յակոբեան
Ժոզէֆ Նազարեան
Արմինէ Սէթխանեան
Նիստին ներկայ էին նաեւ՝ Իրանի Իսլամական խորհրդարանում իրանահայութեան զոյգ պատգամաւորներ՝ Ռոբերտ Բեգլարեանը եւ Արա Շահվերդեանը:
Նիստի սկզբում, Թեմական խորհրդի ատենապետ Նորայր Արամեանը, անդրադարձաւ արցախահայութեան մարդասիրական ճգնաժամին եւ ընդգծեց հրատապ ձեռնարկւելիք աշխատանքների կարեւորութիւնն ու անյապաղ անհրաժեշտութիւնը: Այս կապակցութեամբ խորհրդարանի զոյգ պատգամաւորների կողմից ընդհանուր բացատրութիւններ տրւեց Արցախի իրադարձութիւններին առնչւող պետական մակարդակով ունեցած հանդիպումների եւ պետական հնարաւորութիւններով օժանդակութիւններ ապահովելու հնարաւոր քայլերի մասին:
Խորհրդակցութիւնների եւ քննարկումների արդիւնքում, որոշւեց համայնքային մակարդակով նիւթական օժանդակութիւններ ստանալ եւ այն յատկացնել կրիտիկական եւ անհրաժեշտ պահանջների գնմանը, որի մասին մանրամասնութիւնները կը տեղեկացւի հետագայ յայտարարութիւններով:
Ձեր նիւթական օժանդակութիւնները կարող էք փոխանցել վերոնշեալ նպատակին յատկացւած հետեւեալ հաշւեհամարին՝
بانک ملت شعبه استاد نجات اللهی کد 1263032
شماره حساب: 7411344978
شماره کارت: 2551-6076-3373-6104
شماره شبا: IR790 120 0000 0000 7411 3449 78
بنام شورای خلیفه گری ارامنه تهران و شمال
Յաւելեալ տեղեկութիւնների համար կարող էք զանգահարել Թ. Հ. Թ. ազգային առաջնորդարան՝ 88901634–6 հեռախօսահամարով ապա հաւաքել 23 ներքին համարը:
Թ. Հ. Թ. ԹԵՄԱԿԱՆ ԽՈՐՀՈՒՐԴ
