«ԱԼԻՔ» – Թւականիս նոյեմբերի 27-ին բազմամարդ էր Հ. Մ. Մ. «Նայիրի» միութեան կենտրոնատեղի «Սուքերեան» սրահը, քանզի մեծ թւով հանդիսատես ու հրաւիրեալներ եկել էին դիտելու «Թունեան» հայոց ազգային աղջկանց տարրական դպրոցի նախաձեռնութեամբ եւ Հ. Մ. Մ. «Նայիրի» միութեան Արւեստից բաժանմունքի համագործակցութեամբ իրականացած «Մի Գիշեր դպրոցում» աշակերտական ներկայացումը:
Նոր սերնդի մօտ մշակոյթի հասկացութեան փոխանցման եւ հայկականութեան ու ազգային ոգի սերմանելու կարեւորութիւնից ելնելով էր նման ներկայացում բեմադրւել, որի մասին բացման խօսքի ընթացքում անդրադարձաւ դպրոցի փոխտեսչուհի Շաքէ Աւետեանը: Աւելի քան երկուժամ տեւած իւրայատուկ միջոցառման ընթացքում, որը զուգորդւած էր նաեւ ընդմիջոմով, դպրոցի սաները ինքնավստահ եւ համարձակ կատարումներով ներկայացրին Հայոց Ցեղասպանութիւնից վեր յառնած հայ ժողովրդին, ներկայացրին պատմութեան անցեալի պանծանլի գիտամշակութային դէմքերին, ներկան եւ ապագայի տեսլականները:
Մանրամասնութիւնները օրաթերթիս յառաջիկայ համարներից մէկում:
