Այսօր՝ յունիսի 30-ին «Ալիք» օրաթերթի խմբագրութիւնում տեղի ունեցաւ հանդիպում աշխարհահռչակ պատերազմական լուսանկարիչ Ալֆրէդ Եաղուբզադէի հետ։
Հանդիպմանը ներկայ էին Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Արա Շահվերդեանը, «Ալիք» օրաթերթի վարչութեան նախագահ եւ խմբագրակազմի ղեկավար Րաֆֆի Փիրումեանը, օրաթերթիս վարիչ Արգիշտի Թովմասեանը, ինչպէս նաեւ Ալֆրէդ Եաղուբզադէին ընկերակցող արւեստագէտ Իլիա Արաշը։
Հանդիպման ընթացքում Եաղուբզադէն պատմեց նաեւ Իրան կատարած իր այցի, իր մասնագիտական գործունէութեան եւ տարիների ընթացքում լուսանկարած պատմական իրադարձութիւնների մասին։ Նա աշխարհի ամենանշանաւոր պատերազմական ֆոտոլրագրողներից մէկն է, որի աշխատանքները վաւերագրել են ժամանակակից աշխարհի կարեւորագոյն քաղաքական ու ռազմական իրադարձութիւնները՝ նշանակալի դեր ունենալով համաշխարհային տեսողական յիշողութեան ձեւաւորման մէջ։
Հայ իրականութեան մէջ նման լուսանկարչի ներկայութիւնը ինքնին բարձր արժէք է, մանաւանդ որ Եաղուբզադէն Իրանի պարտադրեալ ութամեայ պատերազմի անւանի լուսանկարիչներից մէկն է, եւ նրա մի շարք լուսանկարներ ժամանակի ընթացքում դարձել են պատերազմի խորհրդանշական պատկերներ։
Նշենք, որ Եաղուբզադէն համարւում է աշխարհի ամենանշանաւոր պատերազմական ֆոտոլրագրողներից մէկը, որի աշխատանքները լուսաբանել են ժամանակակից աշխարհի կարեւորագոյն պատմական իրադարձութիւնները՝ ձեւաւորելով համաշխարհային տեսողական յիշողութիւնը։
Հանդիպման ընթացքում նա նաեւ պատմեց Իրանում իր ներկայութեան եւ աշխատանքային փորձառութեան մասին՝ յատկապէս ընդգծելով այն դէպքերն ու միջավայրերը, որոնք խոր հետք են թողել իր յիշողութեան եւ ստեղծագործական աշխարհընկալման վրայ։
Հայ իրականութեան մէջ նման լուսանկարչի ներկայութիւնն ինքնին բարձր արժէք է, մանաւանդ որ Եաղուբզադէն Իրանի պարտադրեալ ութամեայ պատերազմի անւանի լուսանկարիչներից է, որի կադրերից շատերը դարձել են պատերազմի խորհրդանիշ։ Նման հեղինակաւոր անձի հետ հանդիպումը կարող է իւրաքանչիւր լուսանկարչի համար լինել ոչ միայն արժէքաւոր փորձառութիւն, այլեւ նշանակալի յղում մասնագիտական կենսագրութեան մէջ։
Լուսանկարը՝ ՀԱՏԻՍԻ
