«ԱԼԻՔ» – Թեհրանում լոյս տեսնող «Համշահրի» օրաթերթի «Համշահրի մահալէ» յաւելւածը իր այսօրւայ յունւարի 2-ի համարը, Ամանորի առիթով լրիւ կերպով յատկացրել է իրանահայ համայնքին եւ այս հիմնական վերնագրով հանդէս եկել՝ «Մետաքսի առեւտրից մինչեւ ռեժիսուրա եւ դերասանութիւն» եւ այս ենթավերնագիրը ընտրել. «Թեհրանը եւ հայ ճարտարապետները. Դուլաբը՝ մայրաքաղաքում հայութեան առաջին կենտրոններից»: Նիւթը անդրադարձել է Թեհրանում հայկական հին քաղաքամասերին, հայ նահատակներին եւ բոլոր այն աշխատանքներին, որոնց մէջ առաջատար են եղել իրանահայերը:
