Տօնւեց Հ.Մ.Ա.Կ․-ի Ուրմիայի մասնաճիւղի 70-ամեակը
Ուրմիա քաղաքի «Արամ Մանուկեան» ազգային սրահում 2024 թ. յուլիսի 11-ին տեղի ունեցաւ Հ. Մ. «Արարատ» Կ. Հիմնադրման եւ գործունեութեան 80-ամեակի եւ Ուրմիա մասնաճիւղի հիմնադրման եւ գործունեութեան 70-ամեակին նւիրւած միջոցառումը։
Ծրագրին ներկայ էր Տ. Մարտիրոս քհնյ. Ղուկասեանը, բարերար Մեջլումեան ընտանիքը, Կենտրոնական վարչութեան անդամ՝ մասնաճիւղի կապ ընկեր Արտոյտ Զոհրաբեանը, Գեարդաբադ մասնաճիւղի վարչական ընկերները եւ մեծաթիւ արարատական ընկերներ։
Սրահի մուտքի մօտ ցուցադրման էին դրւել տարբեր տարիների լուսանկարներ, յուշանւէրներ, գաւաթներ, Արարատի պատմութեանը նւիրւած գրքեր։
Ծրագիրը սկսեց պետական օրհներգով, ապա Կրտսերների բաժանմունքի անդամները կատարեցին Կազմակերպութեան հիմներգը։ Վարչութեան ուղերձը ընթերցեց եւ օրւայ ծրագիրը վարեց վարչական ընկեր Ցօղիկ Մուրադեանը։
Սրբազան Հօր պատգամը ընթերցելու համար բեմ հրաւիրւեց Տ. Մարտիրոս քհնյ. Ղուկասեանը։ Կենտրոնական վարչութեան անունից շնորհաւորանքի խօսքը փոխանցելու համար բեմ հրաւիրւեց ընկեր Արտոյտ Զոհրաբեանը, Երէց ընկերների անունից արտայայտւեց ընկեր Մարտիկ Մեջլումեանը, երաժշտական կատարումով հանդէս եկաւ ընկեր Սերժիկ Ամիրանեանը։
Ծրագրի գեղարւեստական մասում ելոյթ ունեցան Արւեստից միութեան ընկերները՝ մեներգերով, դաշնամուրային եւ գիտառի կատարումներով։
Ցուցադրւեց ֆիլմարխիւային նկարներից պատրաստւած տեսաերիզ, որը մեծ աշխուժութիւն առաջացրեց ներկաների մօտ։
Ծրագրի երկրորդ մասում վարչութիւնը հրաժեշտ տւեց արտերկիր մեկնողիր երէց ընկերներ Սամւէլ Բադալեանին, Սեդա Մեջլումեանին եւ վարչական ընկեր Արմէն Բադալեանին։ Ընկեր Արմէնի աւելի քան 38 տարւայ անդամակցութեան անցեալի եւ 26 տարւայ վարչական աշխատանքների մասին իր խօսքն ունեցաւ ընկեր Ռիքարդօ Իւհաննան։ Ապա արտայայտւեց եւ իր շնորհակալական խօսքը ունեցաւ ընկեր Արմէնը։ Ընկերներին յանձնւեցին յուշանւէրներ առ ի յիշատակ։
Ծրագիրը ամփոփւեց տօնական կարկանդակի հատումով եւ յիշատակի լուսանկարներով։
Յատկանշական է, որ նիւթը օրաթերթիս է յանձնւել օգոստոսի 31-ին:
