Թ. Հ. Թ. Թեմական խորհրդի շնորհաւորական ուղերձը՝ Իրանի Իսլամական խորհրդարանի վերընտիր պատգամաւոր Արա Շահվերդեանին
![](/wp-content/uploads/2024/03/ara-shahverdian-20240306-780x470.jpg)
Մեծայարգ Արա Շահվերդեան
Իրանի Իսլամական խորհրդարանում Թեհրանի եւ հիւսիսային իրանահայութեան վերընտիր պատգամաւոր
Ջերմագին բարեմաղթանքներով շնորհաւորում ենք Ձեզ՝ Իրանում կայացած Իսլամական խորհրդարանի 12-րդ գումարման ընտրութիւններում, որպէս Թեհրանի եւ հիւսիսային իրանահայութեան պատգամաւոր վերընտրւելու առիթով:
Ընտրութիւնների արդիւնքն այն փաստի վկայութիւնն է, որ Դուք անցած չորս տարիների ընթացքում նւիրեալ գործունէութեամբ եւ տեւական յանձնառութեամբ, արժանի կերպով վաստակել էք մեծ հեղինակութիւն եւ վստահութիւն:
Վստահ ենք, որ արդար ընտրութիւններում Ձեր յաղթանակն ամուր հիմք է Ձեր ընտրած ուղու բարեյաջող ընթացքը նոր լիցքով ու եռանդով շարունակելու համար:
Յուսով ենք, որ ինչպէս նախորդ չորս տարիներին, կրկին կը ցուցաբերէք Ձեր սերտ համագործակցութիւնը յանուն համայնքիս բարօրութեան եւ բարեկեցութեան:
Մաղթում ենք նորանոր ձեռքբերումներ Ձեր պատասխանատու եւ դժւարին պաշտօնում:
Քաջառողջութեան եւ յաջողութեան մաղթանքներով՝
ՅԱՐԳԱՆՕՔ՝
Թ. Հ. Թ. ԹԵՄԱԿԱՆ ԽՈՐՀՈՒՐԴ