Լոս Անջելէսի հրդեհներից հայկական դպրոց է այրւել

«ԱԼԻՔ» – Լոս Անջելէս քաղաքում բռնկւած խոշոր հրդեհից այրւել է նաեւ ԱՄՆ-ի «Սահակ-Մեսրոպ Հայ Քրիստոնեայ» դպրոցի շէնքը: Այս մասին յայտնում է «Արեւելք»-ը:

Վնասի չափը չի նշւում, սակայն «Արեւելք»-ի ԱՄՆ-ի աղբիւրը տեղեկացնում է, որ դպրոցը գտնւում է  Ալթադենայում՝ բլուրի վրայ եւ շատ մօտ է եղել կրակին, ենթադրւում է, որ այն մեծաչափ վնասւել է:

«Սահակ-Մեսրոպ Հայ Քրիստոնեայ» դպրոցի մասնաւոր դպրոց է, հիմնւել է 1980 թւականին,  համայնքի մի խումբ հաւատացեալ գործիչների նախաձեռնութեամբ։ Ունի մանկապարտէզ եւ միջին բաժին։ Անգլերէնով դասաւանդւող պետական ծրագրին զուգահեռ ուսուցանւում են հայոց լեզու, պատմութիւն, կրօն։