Դիմում եմ Հայաստանի արդարադատութեան համակարգին՝ ստանձնել իր պարտականութիւնները, բեկանելով Ազգային Անվտանգութեան Ծառայութեան որոշումը

2022 թւականի յուլիսի 14-ին, երբ ես մեկնում էի Հայաստան, Ազգային Անվտանգութեան Ծառայութիւնը արգելեց իմ մուտքը եւ արտաքսման հրաման տւեց՝ ասելով, որ ես «պերսոնա նոն գրատա եմ»։ Դէպքերից 13 ամիս անց՝ 2023 թւականի օգոստոսի 21-ին, նախնական դատական ​​նիստի ժամանակ դատաւորը ԱԱԾ-ից պահանջեց ներկայացնել իմ՝ Հայաստան մուտքի արգելքի պատճառները։

Իրադարձութիւններից 13 ամիս անց նրանք չկարողացան նւազագոյն պատճառներ ներկայացնել…

Դատաւորը 14 օր ժամանակ էր տւել Անվտանգութեան Ծառայութեանը՝ ներկայացնելու իմ հեռացման պատճառները, այսինքն՝ սեպտեմբերի 4-ը։

Փաստաբաններս խնդրեցին, որ կարողանամ յաջորդ նիստին ներկայ գտնւել, բայց դատաւորը մերժեց, փոխարէնը, սակայն առաջարկեց հեռակայ կարգով մասնակցել:

Անվտանգութեան Ծառայութիւնն իհարկէ երբեք չի ներկայացրել պահանջւող տարրերը:

Հոկտեմբերին իմացայ, որ դատաւոր են փոխել, եւ նոյեմբերի 23-ին, ժամը 14:30-ին, պէտք է նոր նախնական դատական ​​նիստ անցկացւի։ Դատաւորի փոփոխութեան պատճառ չի նշւում։

Դիմում եմ Հայաստանի արդարադատութեան համակարգին՝ ձեռք բերել իմ հեռացման պատճառները եւ ինձ իրաւունք տալ մասնակցելու այս դատավարութեանը։ Իսկ եթէ Անվտանգութեան Ծառայութիւնը դեռ շարունակի չներկայացնել իմ հեռացման պատճառները, ես ակնկալում եմ, որ այս որոշումը կասկածի տակ դրւի։ Իսկ եթէ ականատես լինենք արդարադատութեան պարզ ձեւականութեան, ես չեմ վարանի այն փոխանցել Մարդու իրաւունքների եւրոպական դատարան, որպէսզի չեղարկի այս անհիմն որոշումը:

Ես կը պայքարեմ վերականգնելու համար Հայաստան վերադառնալու իմ իրաւունքը. երկիր, որի համար պայքարել եմ աւելի քան 40 տարի։

Մուրադ Փափազեան
ՀՅԴ Բիւրոյի անդամ,
Ֆրանսիայի Հայկական կազմակերպութիւնների համակարգող խորհրդի համանախագահ
Փարիզ, 21 նոյեմբերի, 2023 թ.

Arfd.am