Վարդան Ոսկանեան. «Իրանի մտահոգութիւնները հայ-իրանական սահմանի մօտ երրորդ ուժերի ներկայութեան մասին պահպանւում են»
«ԱԼԻՔ» – Իրանագէտ Վարդան Ոսկանեանը սոցցանցերի իր հարթակներում մէջբերել է Հանրապետութեան նախագահ Մասուդ Փեզեշքիանի խօսքերը, որը հրապարակւել է X-ում՝ նշելով, որ Իրանի մտահոգութիւնները հայ-իրանական սահմանի մօտ երրորդ ուժերի ներկայութեան մասին, այնուամենայնիւ պահպանւում են:
«Դատելով Իրանի նախագահի՝ «X» սոցիալական ցանցի էջում կատարած գրառումից, իրանական կողմի մտահոգութիւնները հայ-իրանական սահմանին երրորդ ուժերի հնարաւոր ներկայութեան վերաբերեալ պահպանւում են։
Մասուդ Փեզեշքիանը պարսկերէնով մասնաւորապէս գրել է՝
«Հայաստանի վարչապետի հետ հանդիպմանը ընդգծեցի, որ Իրանի Իսլամական Հանրապետութեան կառավարութեան համոզմունքը Հայաստանի ինքնիշխանութեան ու տարածքային ամբողջականութեան պահպանումը եւ երկու երկրների միջեւ սերտ յարաբերութիւնների շարունակականութիւնն է։ Մեր մտահոգութիւնները, կապւած ընդհանուր սահմանների մօտակայքում երրորդ ուժերի ներկայութեան հետ, պէտք է ամբողջովին փարատւեն»»,- գրել է իրանագէտը։
