Հայը՝ հային. եւս 1000 արցախցի ընտանիք ՀՕՄ-ի աջակցութեան ներքոյ
Եւս 1000 արցախցի ընտանիքի օգնութիւն տրամադրելու նպատակով՝ Հայ Օգնութեան միութիւնը եւ ՀՅԴ Հայաստանի կազմակերպութիւնը նախաձեռնել են դրամահաւաք։
Վերջին օրերին շարունակւում է եռուզեռի մէջ մնալ «Արամ Մանուկեան» կենտրոնը։ Յաջորդաբար հասնում են Հայ Օգնութեան միութեան (ՀՕՄ) հովանաւորած բեռնատարները, որոնք սնունդ եւ մաքրութեանն առնչւող նիւթեր են տեղափոխում Կենտրոն։ ՀՕՄ-ի Կենտրոնական եւ Հայաստանի Շրջանային վարչութեան անդամները, հայրենի մասնաճիւղերի մեր ժրաջան ՀՕՄ-ուհիները, ՀԵՄ-ի երիտասարդներն ու արտասահմանեան տարբեր երկրներից հայրենիք ժամանած կամաւորները մեղւի աշխատասիրութեամբ կատարում են բեռնաթափումը եւ սահմանւած չափով այն տեղադրում են յատուկ արկղերի մէջ, որպէսզի բաժանւի տեղահանւած արցախահայութեանը։ Այսօր առաջին հանգրւանի աշխատանքները պէտք է աւարտւեն եւ պատրաստած սննդի արկղերը պէտք է բաժանւեն Երեւանում եւ յատկապէս մարզերում ցանկագրւած եւ ժամանակաւոր ապաստան գտած արցախահայ մեր հայրենակիցներին։ Նւիրատւութիւններն ու հանդերձահաւաքը շարունակւում է․․․
Այն հայրենակիցները, ովքեր ցանկանում են իրենց օգնութեան ձեռքը մեկնել Արցախի մեր հայրենակիցներին, կարող են հագուստը եւ հիգիենիկ պարագաները յանձնել ՀՄԸՄ-ՀԱՍԿ-ի գրասենեակ, իսկ նւիրատւութիւնները կատարել Հայ Օգնութեան միութեան գրասենեակում։
Կանխաւ շնորհակալութեամբ՝
ՀՕՄ-Ի ՀԱՅԱՍՏԱՆԻ ՇՐՋԱՆԱՅԻՆ ՎԱՐՉՈՒԹԻՒՆ
«Arfd.am»
