Ինչո՞ւ են աջակցում միմեանց Իսրայէլն ու Ադրբեջանը
Ադրբեջան-Իսրայէլ միջխորհրդարանական յարաբերութիւնների աշխատանքային խումբը դատապարտել է Իսրայէլի դէմ իրականացւած յարձակումը եւ իր աջակցութիւնը յայտնել Իսրայէլին՝ նշելով, որ այս դժւարին ժամանակներում իրենք համերաշխ են Իսրայէլի հետ։ Այս մասին նշում է «Ermenihaber»-ը՝ մատնանշւելով, թէ ինչու են աջակցում միմեանց Իսրայէլը եւ Ադրբեջանը՝ հիմնականում նշւում են հետեւեալ կէտերը։
2003-ին, երբ Իլհամ Ալիեւը եկաւ իշխանութեան, նա քայլեր ձեռնարկեց բարձր մակարդակի հասցնել յարաբերութիւնները ոչ միայն Իսրայէլի, այլ նաեւ Եւրոպայի, Ռուսաստանի եւ ԱՄՆ-ի հրէական համայնքների հետ։
Նշւում է նաեւ, որ մի քանի տարի առաջ Թուրքիայի եւ Իսրայէլի միջեւ լարւածութեան ընթացքում Վաշինգտոնում Ադրբեջանի դեսպանը Թուրքիային առաջարկել էր հետեւեալը՝ «Վարւել Ադրբեջանի պէս եւ բարելաւել յարաբերութիւնները ԱՄՆ-ի եւ Իսրայէլի հրէական կառոյցների հետ»։
Մասնաւորապէս նշւում է, որ Ադրեբջանը եւ Իսրայէլը սերտ համագործակցում են յատկապէս ռազմական ոլորտում եւ յիշատակւում է, որ մի քանի տարի առաջ Իսրայէլի պաշտպանութեան նախարարը մէկ շաբաթ մնացել էր Ադրբեջանում եւ ռազմական համագործակցութիւնը բարելաւելու համար անցկացրել բազմաթիւ հանդիպումներ։
Յիշատակւում է նաեւ, որ Ադրբեջանը 2006-ին հիմնել էր պաշտպանական արդիւնաբերութեան նախարարութիւն, բայց ի զօրու էր եղել արտադրել միայն մի քանի տեսակի զէնք։
«Panorama.am»
