Թրամփը Զելենսկիին վռնդել է Սպիտակ տնից
«ԱԼԻՔ» – Սպիտակ տանը թէժ բանավէճ է տեղի ունեցել Զելենսկու եւ Թրամփի ու Վենսի միջեւ։
Թրամփը լրագրողների ներկայութեամբ Զելենսկիին վռնդել է Սպիտակ տնից, գրում է գերմանական Bild պարբերականը։
Ուկրաինայի նախագահ Վլադիմիր Զելենսկին վաղաժամ լքել է Սպիտակ տունը ԱՄՆ նախագահ Դոնալդ Թրամփի հետ վիճաբանութիւնից յետոյ։
Բանակցութիւնների արդիւնքների վերաբերեալ համատեղ մամուլի ասուլիսը չեղարկւել է։
Սպիտակ տան սկանդալից առաջ ամէն ինչ վկայում էր ներդաշնակ հանդիպման մասին, որի ընթացքում նախատեսւում էր ստորագրել Ուկրաինայի բնական ռեսուրսների համատեղ օգտագործման համաձայնագիրը։ Գործարք, որը Թրամփը անւանել է «շատ արդար», եւ որին Զելենսկին նախապէս համաձայնել էր։
Հրադադարը չի աշխատի, Պուտինի զինւորները վախենում են մեր զինւորներից, երբ մենք բաւականաչափ ուժեղ ենք՝ ասել է Զելենսկին։
Պէտք է երախտապարտ լինէք, ձեր ձեռքին խաղաքարտէր չկան, զինւորականներն սպառւում են։ Դուք չէք յարգում ԱՄՆ-ին։ Դուք չէք կարող մեզ ասել՝ ուզում եմ սա, ուզում եմ այն՝ պատասխանել է Թրամփը։
Մենք այստեղ չենք եկել ձեզ հետ թղթախաղ խաղալու համար՝ պատասխանել է Զելենսկին։
Կամ մենք ստորագրում ենք պայմանագիրը, կամ դուք դուրս էք գալիս։ Դուք ուժեղ դիրքում էք։ Դուք նոյնիսկ երախտագիտութիւն չէք յայտնել մեզ: Բայց չէք անում։ Դա լաւ չէ:
Ձեր ձեռքում ոչ մի ուժեղ խաղաքարտ չկայ: Մենք ցանկանում ենք փրկել ձեր երկիրը եւ դադարեցնել պատերազմը։ Եթէ դուք չունենայիք մեր զէնքերը, հակամարտութիւնը կաւարտւէր երկու շաբաթում՝ պատասխանել է Թրամփը։
Օւալաձեւ աշխատասենեակի ուղիղ եթերում երեւում է, որ Զելենսկին նստած է ձեռքերը խաչած, երբ Թրամփը անդադար խօսում էր նրա հետ եւ ընդհատում էր, երբ Զելենսկին փորձում էր ինչ-որ բան ասել:
