Սաուդեան Արաբիան եւ Օմանը դատապարտել են Իսրայէլի յարձակումը
«ԱԼՒՔ» – Սաուդեան Արաբիան եւ Օմանը դատապարտել են Իրանի վրայ Իսրայէլի յարձակումը։
«Սաուդեան Արաբիայի Թագաւորութիւնը խստօրէն դատապարտում է Իսրայէլի կողմից եղբայրական Իրանի Իսլամական Հանրապետութեան դէմ կատարւած բացայայտ ագրեսիան, որը խաթարում է նրա ինքնիշխանութիւնն ու անվտանգութիւնը եւ կազմում է միջազգային օրէնքների եւ նորմերի ակնյայտ խախտում», – ասւած է Սաուդեան Արաբիայի ԱԳՆ հրապարակած յայտարարութեան մէջ։
Օմանը, որը որպէս միջնորդ է հանդէս գալիս Իրանի եւ ԱՄՆ-ի միջեւ ընթացող անուղղակի բանակցութիւններում նոյնպէս դատապարտել է Իսրայէլի ագրեսիան։
«Օմանը Իսրայէլին է պատասխանատու համարում այս լարւածութեան եւ դրա հետեւանքների համար եւ կոչ է անում միջազգային հանրութեանը յստակ եւ վճռական դիրքորոշում ընդունել՝ դադարեցնելու այս վտանգաւոր մօտեցումը, որը սպառնում է բացառել դիւանագիտական լուծումները եւ խաթարել տարածաշրջանի անվտանգութիւնն ու կայունութիւնը», – ասւած է Օմանի կառավարութեան յայտարարութեան մէջ։
