Մեծ Բրիտանիայում Սթարմերին անւանել են երկրի պատմութեան մէջ ամենացածր վարկանիշ ունեցող վարչապետը

«ԱԼԻՔ» – Մեծ Բրիտանիայի ներկայիս վարչապետ Քիր Սթարմերը գերազանցել է երկրի պատմական ժողովրդականութեան ռեկորդը։ Փոխանցում է Tert.am-ը:

Sky News-ի հաղորդմամբ՝ երկու հարցումների յղումով, Մեծ Բրիտանիայի բնակիչների միայն 13%-ն է հաւանութիւն տալիս նրա վարչապետի պաշտօնում գործունէութեանը, մինչդեռ 79%-ը՝ ոչ։ Միեւնոյն ժամանակ, Լէյբորիստական ​​կուսակցութեան անդամների կէսից աւելին չէր ցանկանայ, որ նա վերընտրւի։

«Նոր հարցման համաձայն՝ Լէյբորիստական ​​կուսակցութեան անդամների կէսից աւելին չի ցանկանում, որ Քիր Սթարմերը յաջորդ ընտրութիւններում առաջադրւի որպէս կուսակցութեան առաջնորդ։ Հարցումը ցոյց է տւել, որ կուսակցութեան անդամների 53%-ը ցանկանում է նոր առաջնորդ ունենալ մինչեւ յաջորդ ընտրութիւնները, մինչդեռ միայն 31%-ն է ցանկանում, որ Սթարմերը մնայ պաշտօնում մինչ այդ»,- հաղորդել են լրատւամիջոցները։

Հարցման տւեալներին արձագանքելով՝ Սթարմերը խոստացել է «չփակել ականջները»։ Նրա արդիւնքները ցածր էին իր նախորդների՝ Ռիշի Սունակի (2024) եւ Ջոն Մէյջորի (1994) արդիւնքներից։

Յիշեցնենք, որ բրիտանական միապետութեան ժամանակակից պատմութեան մէջ, բացի վիճայարոյց վարչապետ Բորիս Ջոնսոնից, եղել է նաեւ Լիզ Թրասը։ Նա վարչապետի պաշտօնում մնացել է ընդամէնը 44 օր՝ պարտւելով հազարի տերեւների հետ կապւած ոչ պաշտօնական վէճում։