Քաղաքագէտ. «Յունւարի 27-ը որպէս նշանակալից օր, կապ չունի արցախեան պայքարի հետ, հետեւաբար լրիւ տեղաւորւում է «նիկոլեան նոր Հայաստանի» մէջ»
Քաղաքագէտ Արա Պօղոսեանի ֆէյսբուքեան գրառումը. «Շատերն են տարակուսած հարցնում, թէ ինչո՞ւ հէնց «յունւարի 27-ը» եւ ո՛չ թէ «Սեպտեմբերի 27-ը» կամ գոնէ «Նոյեմբերի 8-ը»։ Պատճառը ինչքան էլ որ տարօրինակ կը հնչի հէնց այն է, որպէսզի այն չասոցացւի Արցախի հետ, պայքարի հետ, ազատագրական տարեգրութեան հետ։
Յունւարի 27-ը որպէս նշանակալից օր, կապ չունի արցախեան պայքարի հետ, հետեւաբար լրիւ տեղաւորւում է «նիկոլեան նոր Հայաստանի» մէջ։
Այն նպատակ ունի մոռացութեան մատնել զոհերին յիշելու բուն պատճառը՝ ազատագրական եւ պաշտպանական պայքարը յանուն Արցախի։ Հետեւաբար նման անհեթեթ որոշումը ինչքան էլ որ տարօրինակ լինի, հիմնաւորւած է հայ ժողովրդի յիշողութեան դեֆորմացիայի համար։
Ես ու իմ նման հազարաւորները յիշում ենք ամէն օր, իսկ այդ յիշողութեան լռութեան օրը «Սեպտեմբերի 27-ն» է։
Յ․Գ․ – Երկար էի մտածում, գրել թէ՞ չգրել։ Որոշեցի գրել, որովհետեւ հասկանալ ու չասելը ճիշտ չի։ Էս թեմայով էլ չեմ խօսելու, մինչ այն օրը, երբ ամէն ինչ կը վերադառնայ «ի շրջանս իւր»»:
