Միջազգային
ՄԱԿ-ին անդամակցելու Պաղեստինի դիմումը կուղարկւի համապատասխան կոմիտէ
ՄԱԿ-ի Անվտանգութեան խորհուրդը ՄԱԿ-ին միանալու Պաղեստինի դիմումը կը փոխանցի նոր անդամների ընդունման կոմիտէին:
«Արմէնպրես»-ի հաղորդմամբ՝ ինչպէս փոխանցում է ՌԻԱ Նովոստին, այս մասին լրագրողներին ասել է ՄԱԿ-ում Մալթայի մշտական ներկայացուցիչ Վանեսա Ֆրէյզերը, ով նախագահում է Անվտանգութեան խորհուրդը:
Նրա խօսքով՝ ընդառաջ գնալով Պաղեստինի խնդրանքին ՄԱԿ անդամութեան իր դիմումը քննարկելու վերաբերեալ, ԱԽ-ն համաձայնել է այսօր՝ ապրիլի 8-ին, բաց նիստ անցկացնել՝ Պաղեստինի նամակը պաշտօնապէս յանձնելու նոր անդամների ընդունման կոմիտէին:
Ըստ Ֆրէյզերի՝ յանձնաժողովը ապրիլի ընթացքում կը քննարկի նամակը:
Նա միաժամանակ յաւելել է, որ ՄԱԿ ԱԽ-ի իւրաքանչիւր անդամ կարող է ցանկացած պահի որոշել անդամակցութեան վերաբերեալ բանաձեւ ներկայացնել դրա քւէարկութեան համար:
