«ԱԼԻՔ»-ին աշխատակցող երիտասարդներից Արփա Քարամեանը թերթիս ուղարկած նիւթում՝ առցանց հարթակներից հաւաքած խորհուրդներով փորձել է տագնապային կեանքով չապրած, կամ նման իրավիճակներին անծանօթ հասարակութեանը փոխանցել ստրեսներից ազատւելու միջոցների մասին խորհուրդներ:
Ինչպէս քնել տագնապային պայմաններում
բաւարար հանգիստը շատ կարեւոր է, որպէսզի արտակարգ իրավիճակների դէպքում ինչպիսին պատերազմն է, մեր մարմինն ու ուղեղը չկորցնեն ճիշտ աշխատելու ունակութիւնները։
1. Ապահով վայր ընտրել քնելու համար.
Քնել պատուհաններից ու դրսի պատերից հեռու, տան կամ շէնքի կենտրոնական հատւածում եւ վտանգաւոր իրերից հեռու։
Երբ մեր միտքը համոզւի որ մարմինը ապահով վայրում է աւելի հանգիստ կը քնի:
2. Շնչառական վարժութիւններ.
Փորձել «տուփ» կոչւող շնչառութեան հնարաքը․
4 վայրկեան ներշնչում, 4 վայրկեան պահել շունչը, 4 վայրկեան արտաշնչում։ Սա կօգնի նւազեցնել վախն ու լարւածութիւնը։
3. Տագնապ ներշնչող լուրերի սահմանափակում.
Քնելուց առնւազն 2 ժամ առաջ դադարեցնել լուրեին հետեւելը, որպէսզի միտքը հանգստանայ։
4. Հանգստացնող ձայն.
Կարելի է օգտագործել ծրագրեր, որոնք անձրեւի կամ հոսող ջրի ձայներ են արձակում եւ ստեղծում հանգիստ միջավայր։ Այս ձայները պատնեշ են առաջացնում քիչ կարեւոր ձայների դիմաց։
Բայց չեն արգելափակում ահազանգերը։
5. Հերթապահութիւն.
Եթէ խմբով էք եւ գտնւում էք տնից դուրս, կարելի է սահմանել հերթապահութիւն, որպէսզի մէկը արթուն հետեւի իրավիճակին։
6. Պատրաստ պահել արտակարգ իրավիճակների համար նախատեսւած պայուսակը.
Օր առաջ պատրաստել ջուր, սնունդ, փաստաթղթեր, դեղորայք, լապտեր, տաք հագուստ եւ փոքր առաջին օգնութեան փաթեթ։
7. Քնել հնարաւորինս յարմար վայրում.
Անյարմար քունը կարող է յաջորդ օրը առաջացնել մկանային ցաւեր։
8. Թեթեւ սնունդ քնելուց առաջ.
Խուսափել կոֆէին պարունակող ըմպելիքներից։ Կարելի է խմել հանգստացնող թուրմեր ինչպիսին երիցուկն է։
9. Պահպանել առօրեայ սովորութիւնները.
Փորձել պահպանել ձեր առօրեայ փոքր սովորութիւնները: Դրանք ուղեղին փոխանցում են ապահովութեան զգացում։
Մեր մտային եւ մարմնային առողջութիւնը շատ կարեւոր դեր ունի նման պայմաններում ճիշտ որոշումներ կայացնելու եւ ստրեսից ազատւելու հարցում։
