«ԱԼԻՔ» – Երկուշաբթի, սեպտեմբերի 11-ի առաւօտեան, «ԱԼԻՔ» օրաթերթ այցելեց 54-րդ Համահայկական խաղերին մասնակցած Սիւնիքի պատւիրակութիւնը:
3 անձից կազմւած Սիւնիքի պատւիրակութեան կազմում՝ 13 ամեայ Ստեփան Հայրապետեանը (Կապանի թիւ 7 դպրոցի սան), Սերժ Գէորգեանը (Յունան Աւետիսեանի անւան Աւագ դպրոց) եւ Գագիկ Բաղդասարեանը (Դաւիթ Համբարձումեամի անւան մարզադպրոցի մարզիչ) խաղերին մասնակցել են սեղանի թենիս մարզաձեւում:
Նշենք, որ Սիւնիքն այսօր տուն վերադարձաւ թիմային հաշւարկներում զբաղեցնելով երրորդ պատւաւոր տեղը:
Հիւրերի հետ հանդիպմանը ներկայ էր նաեւ՝ «ԱԼԻՔ» հաստատութեան ներկայացուցիչը, ինչպէս նաեւ օրաթերթիս վարչութեան եւ խմբագրակազմի անդամները:
Սիւնեցի տղաներն ընթացքում ծանօթացան թերթիս աշխատանքներին, ինչպէս նաեւ 93-ամեայ «ԱԼԻՔ»-ի համարների արխիւին:
Տղաների հետ մեր հանդիպման մասին պատմող նիւթը տես՝ թերթիս առաջիկայ համարներից մէկում:
