«ԱԼԻՔ», Կ. Դ. – Տօների տօն Մայիսի 28-ի առիթով տօնակատարութիւնը նշւեց մայիսի 30-ին, Զէյթուն քաղաքամասի Հ. Մ. Մ. «Նայիրի» միութեան «Արցախ» սրահում, նախաձեռնութեամբ միութեան Արւեստից բաժանմունքի եւ Գրական խմբի: Ծրագիրը յագեցած էր բանախօսութեամբ եւ գեղարւեստական կատարումներով:
Օրւայ բանախօս էր հրաւիրւել «ԱԼԻՔ» օրաթերթի գլխաւոր խմբագիր Արամ Շահնազարեանը: Գեղարւեստական յայտագիրը յագեցած էր միութեան յարկի տակ ասմունքի դասարանների մասնակցած երեխաների ասմունքային կատարումներով, մեներգերով, պամական տեսաֆիլմերի ցուցադրութեամբ, ջութակի կատարումով եւ միութեան «Նայիրի» պարախմաբի սաների կատարմամբ:
Օրւայ բանախօսը համապարփակ գծերով անդրադարձաւ մայիսեան յաղթանակի քաղաքական, բարոյական ու հոգեբանական անժխտելի դերակատարութեանը հայ ժողովրդի եւ Հայաստան աշխարհի, որպէս Հանրապետութիւն գոյատեւման գործում եւ խօսեց ՀՀ ներկայի իշխանութիւնների հայրենակործան ընթացքի եւ Սրբազան պայքարի շուրջ միաւորւելու անհրաժեշտութեան մասին: Եզրափակիչ խօսքը վերապահւած էր Տ. Առաքել աբեղայ Գատեհճեանին, ով փոխանցեց Թեհրանի հայոց թեմի առաջնորդ Տ. Սեպուհ արք. Սարգսեանի յղած պատգամը: Իսկ վերջում բեմը ողողւեց միութեան տարբեր միաւորների փոքրիկներով, որոնք հագել էին հայկական տարազներ եւ կրում էին Հայաստանի եւ Արցախի եռագոյն դրօշները:
