Հինգշաբթի՝ մայիսի 30-ին, Թ. Հ. Թ. Թեմական խորհրդի ատենապետ ճրտպ. Նորայր Արամեանը ընդառաջելով ժամանակի Թեմական խորհրդի անդամներ՝ պարոնայք Սուրէն Շահբազեանի եւ Թորգոմ Տէր-Յակոբեանի դիմումին, հանդիպում ունեցաւ յիշեալների հետ:
Հանդիպումը հիմնականում առնչւած էր թեմապատկան կալւածների լաւագոյնս օգտագործմանը, որն այս ուղղութեամբ Սուրէն Շահբազեանը ներկայացրեց իր տեսակէտները եւ առաջարկութիւնները:
Թեմական խորհրդի ատենապետը նախ ողջունեց եւ իր շնորհակալութիւնը յայտնեց պրն. Շահբազեանի բարենպատակ եւ սրտցաւ մօտեցման համար եւ լուսաբանական մանրամասնութիւններ բացատրելով, որոշ տեղեկութիւններ փոխանցեց տարւած աշխատանքների եւ ընդհանուր իրավիճակի կապակցութեամբ:
Հանդիպման աւարտին պրն. Շահբազեանը պատրաստակամութիւն յայտնեց Թեմական խորհրդի ապագայ աշխատանքներին իր օժանդակութեամբ օգտակար հանդիսանալու համար:
Ազգային առաջնորդարանի Հանրային կապի գրասենեակ
