«ԱԼԻՔ» – Հոկտեմբերի 31-ին եւ նոյեմբերի 1-ին թեհրանահայ միութիւններում տեղի են ունեցել մի շարք միջոցառումներ:
– Հոկտեմբերի 31-ին, «Արարատ» մարզաւանի «Սասունցի Դաւիթ» մարզադահլիճում, Հ.Մ.Ա.Կ.-ի Սկաուտական միութեան նախաձեռնութեամբ կազմակերպւել էր սկաուտական երդման արարողութիւն, որը նւիրւած էր Հ.Մ.Ա.Կ.-ի 80 ամեակին:
– Հոկտեմբերի 31-ին եւ նոյեմբերի 1-ին Հ. Ուս. «Չհարմահալ» միութեան «Յ. Թումանեան» դահլիճը երկար տարիների ընդմիջումից յետոյ վայելեց միութեան «Գեղարդ» թատերախմբի ներկայացումը: Բեմադրիչ Անի Զաքարեանի բեմադրութեամբ ներկայացւեց «Երկու խոզուկներ եւ գայլը» ներկայացումը:
– Իրանահայ Ուսուցիչների միութեան նախաձեռնութեամբ, նոյեմբերի 1-ի առաւօտեան, հոգեհանգստեան արարողութիւն էր կազմակերպւել Ս. Գէորգ եկեղեցում, ի յիշատակ մեզանից առյաւէտ հեռացած հայ հանգուցեալ ուսուցիչների:
– Նոյեմբերի 1-ի երեկոյեան նշւեց Հ. Մ. Մ. «Նայիրի» միութեան հիմնադրման ու գործունէութեան 43-ամեակը՝ միութեան «Արցախ» սրահում, միութեան ընտանիքի հետ միասին: Միջոցառումը յագեցած էր գեղարւեստական յայտագրով, որի ընթացքում ելոյթներով հանդէս եկան միութեան տարբեր միաւորներից,որին յաջրդեց մտերմիկ հաւաք-խրախճանք:
Միջոցառումների մանրամասները ներկայացնելու ենք թերթիս առաջիկայ համարներում:
