Օրհնութեամբ բացւեց բժիշկ Արա Մելիքեանի նոր բուժարանը Սոֆիանում
Ատրպատական, ազգային առաջնորդարան, Թաւրիզ – Ուրբաթ՝ նոյեմբերի 22-ին, Ատրպատականի Սոֆիան քաղաքում բացումը կատարւեց, թեմի յարգարժան եւ նւիրեալ բժիշկներից՝ Արա Մելիքեանի բժշկական կենտրոն բուժարանը:
Արդէն 10 տարիներից ի վեր Սոֆիանում բժշկական ծառայութիւն բերող բժիշկը, նախ պետական բժշկական կենտրոնում ծառայելուց յետոյ, նոյն քաղաքում բացեց իր անձնական բժշկական բուժարանը, մարմնական ընդհանուր բժշկութեան ծառայութիւն մատուցող:
Ատրպատականի հայոց թեմի առաջնորդ Սրբազան Հայրը անձամբ բացումը կատարեց նոր կենտրոնին, «Մաշտոց» ծիսամատեանից յատուկ աղօթք եւ աւետատարանական հատւած ընթերցելով: Նոյն առիթով, Սրբազան Հայրը առաւելագոյն յաջողութիւն մաղթեց բժիշկ Արա Մելիքեանին, աղօթելով, որ նրա ձեռքը Աստծու զօրութեամբ բժշկարար լինի բոլոր հիւանդներին:
Բժիշկ Արա Մելիքեան եւ նրա կինը՝ Անահիտ Յակոբեանը շնորհակալութիւն յայտնեցին Սրբազան Հօրը, քաջառողջ երկար կեանք մաղթելով նրան, ինչպէս նաեւ շնորհաբեր ծառայութեան շարունակում՝ Ատրպատականի հայոց թեմում:
Հանդիսաւոր բացման առիթով, Սրբազան Հայրը մանուկ Յիսուսի եւ Աստւածամօր ձեռագործը շրջանակւած նւիրեց տէր եւ տիկին բժիշկ Արա եւ Անահիտ Մելիքեանին, որը տեղադրւեց գլխաւոր բժշկասենեակում:
