«ԱԼԻՔ» – «Հայ ժողովուրդն այլ ելք չունի բացի թուրքա-սիոնիստական բլոկից զգուշանալու, Հայաստանի էութեանն ու լինելութեանը սպառնացող առաջին թշնամիներին՝ Բաքւին ու Անկարային չվստահելու եւ չմօտենալու, Հայոց եկեղեցին արժեւորելուց ու պահպանելուց, եւ յատկապէս միասնական լինելուց բացի: Հաւատացած եմ, որ Իրանը եւս պէտք է ճանաչի Հայոց Ցեղասպանութեան փաստը եւ դատապարտելով Թուրքիային՝ որպէս իրականացնող կողմի, եւ իրերն իրենց անունով կոչելով, ցոյց տայ իւրաքանչիւրի զբաղեցրած իրական տեղն ու դերը տարածաշրջանում »: Այս մասին կարեւորեց դոկտ. Էհսան Մովահեդիանը Ի.Ա.Մ.Մ-ի նախաձեռնած Ցեղասպանութեան 110-ամեակին նւիրւած բանախօսական միջոցառմանը:
Չորեքշաբթի՝ մայիսի 7-ին տեղի ունեցած բանախօսական ձեռնարկին բանախօսական ելոյթներով հերթով հանդէս եկան դոկտ. Անդրանիկ Սիմոնեանը՝ «Հայոց Ցեղասպանութեան պատճառները», դոկտ. Մաջիդ Քարիմին՝ «Հայոց Ցեղասպանութիւը եւ մեր պատմական առաքելութիւնը», դոկտ. Փիւնիկ Սիմոնեանը՝ «Մշակութային ցեղասպանութիւն, խորութիւնը եւ մասշտաբները» եւ դոկտ. Էհսան Մովահեդիանը «Դասեր ցեղասպանուիւնից» գլուխների ներքոյ:
Ծրագրի սկզբում Տ. Մեսրոպ քհնյ. Ռաթէոսեանի ձեռամբ կատարւած աղօթքից յետոյ Տ. Արիստակէս քհնյ. Շահմիրեանի միջոցով ներկաներին փոխանցւեց Սրբազան Հօր պատգամը:
Ծրագրի եզրափակիչ բաժնում դաշնամուրային կատարումներով հանդէս եկաւ Անդրէ Մուրադեանը:
Միջոցառման ներկաների շարքերում ներկայ էին Թ. Հ. Թ. Պատգամաւորական ժողովի եւ Թեմական խորհրդի ներկայացուցիչները, քահանայ հայրեր, Թ. Հ. Թ. Հայոց Ցեղասպանութեան 110-ամեակը ոգեկոչող յանձախմբի ներկայացուցիչը:
