Մայիսի 16-ին Հ. Մ. «Արարատ» կազմակերպութեան «Կոմիտաս» սրահում ներկայ գտնւեցի «Տունս շալակած» խորագրով բեմադրութեանը: Մի բեմադրութիւն, որը պարային կատարումների եւ թատերական խաղարկութեան ներկայացման միջոցով հանդիսատեսին փոխանցեց հայ ժողովրդի պատմութեան արդի դառն իրականութիւնը:
Բիայնա Մահմուդեանի բեմադրութեամբ, Հ. Մ. «Սիփան» միութեան «Մկրտիչ Թաշճեան» թատերախմբի նախաձեռնութեամբ եւ Շարիս Մելքոմ Աբգարի «Վերջին փրկւածը» վէպի հիման վրայ իրականացած ներկայացմանը պարային կատարումներով հանդէս եկան հմուտ կատարողներ: Այս համատեղ ներկայացումը եւ թեման իրապէս հիանալի էր, որի առումով անհրաժեշտ է գնահատանքի խօսքեր ուղղել թէ բեմադրիչին, սցենարիստին, թատերական եւ պարային բաժինները իրականացնողներին, եւ բոլոր նրանց, որոնց միասնական աշխատանքների շնորհիւ հնարաւոր դարձաւ բեմ բարձրացնել այս անզուգական ներկայացումը: Ներկայացում որին հանդիսատեսը դիտում էր յուզմունքով:
Ձեր վարձքը կատար
ԼՈՐԻՍ ՃԳՆԱՒՈՐԵԱՆ
