«ԱԼԻՔ»-ի սիրելի՛ ընթերցողներ,
10-օրեայ դադարից յետոյ, թերթի աշխատակազմը վերադառնում է իր բնականոն եւ յագեցւած աշխատանքային ռեժիմին:
Ռմբակոծութեան հետեւանքով վնասւել էր խմբագրատան ինտերնետ գիծը եւ հետեւաբար թերթի տպագիր տարբերակի հրապարակումը դարձել էր անհնար: Սակայն «ԱԼԻՔ»-ի օնլայն տարբերակներ՝ կայքը եւ ինստագրամեան էջերը գործում էին մասնակի, չկորցնելով կապը իր հաւատարիմ ընթերցողի հետ: Ելնելով տեխնիկական խնդիրներից, որոնք ներկայ պահին կարգաւորում են՝ օրաթերթը մօտակայ օրերին լոյս կը տեսնի 4 էջով:
«ԱԼԻՔ»-ի ողջ անձնակազմը իր խորին երախտագիտութիւնն է յայտնում Ձեր սրտացաւանքի, հոգատարութեան եւ նւիրւածութեան համար: Այդ դժւարին եւ լարւած օրերին Ձեր կողմից ստացւած զանգերը եւ նամակները յոյս ու կորով էին մեզ բոլորիս համար:
«ԱԼԻՔ» օրաթերթի ողջ անձնակազմը բարեբախտաբար առողջ է, Աստծոյ կամոք տուժածներ չկան եւ այսօրւանից պատրաստ է նոյն նւիրւածութեամբ ծառայել իր համայնքին եւ աշխարհասփիւռ հայութեանը:
Յարգանքներով՝
«ԱԼԻՔ» օրաթերթի գլխաւոր խմբագիր՝ Արամ Շահնազարեան
«ԱԼԻՔ» օրաթերթի աշխատակազմ
