Ինչպէս, որ նախորդ լրատւութեամբ տեղեկացրել ենք, Իրանի Իսլամական խորհրդարանում Սպահանի եւ հարաւային իրանահայութեան պատգամաւոր Գեղարդ Մանսուրեանը հետամուտ է եղել թեմապատկան մշակութային կառոյցների վերանորոգման համար բիւջէ ապահովելու գործին եւ այս ուղղութեամբ ձեռք է բերել յաջողութիւններ։
Ուրախութեամբ տեղեկացնում ենք, որ այս անգամ եւս պատգամաւորը ստացել է 10 միլիարդ թուման պետական բիւջէ, որը յատկացւել է Ս. Ամենափրկիչ վանքում գտնւող թեմակալ Առաջնորդի կացարանի ամբողջական եւ հիմնական վերանորոգմանը, որը կատարւում է Սպահանի Մշակութային ժառանգութեան, զբօսաշրջութեան եւ ձեռարւեստի գերատեսչութեան միջոցով եւ Թեմական խորհրդի հսկողութեամբ։
Հետագայ լրատւութեամբ Ձեզ տեղեակ ենք պահելու աշխատանքի աւարտի մասին։
Սպահանի հայոց թեմի
Ազգային առաջնորդարանի Հանրային կապ
