Թեհրան
Պատգամաւոր Արա Շահվերդեանի հանդիպումը
«ԱԼԻՔ» – Իսլամական խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանի գրասենեակից տեղեկանում ենք, որ պատգամաւորը, հանդիպում է ունեցել Արեւմտեան Ատրպատական նահանգի մշակութային ժառանգութեան, զբօսաշրջութեան ու ձեռարւեստի հարցերով գլխաւոր տնօրէն դոկտ. Սաֆարիի հետ:
Հանդիպմանը, որին ներկայ էր Ուրմիայի Գործակալական խորհրդի ատենապետ Վանիկ Յակոբեանցը, պատգամաւորը գնահատեց նրանց, ովքեր երկրի մշակութային ժառանգութիւնը եւ պատմական ինքնութիւնը պահպանելու առումով չեն խնայում իրենց կարելին: Արա Շահվերդեանը շնորհաւորելով Իսլամական յեղափոխութեան յաղթանակի 45-րդ տարեդարձը եւ «Ֆաջր»-ի տասնօրեակը, պատկան պատասխանատուի հետ խօսեց տարածքի եկեղեցիների եւ մշակութային կոթողների հարցով իրականացւող աշխատանքների մասին:
