Թեհրան
Ամանորի եւ Ս. Ծննդեան տօների առիթով ուրախ ժամանց՝ «Շաղուլեան» սրահում
![](/wp-content/uploads/2024/02/yekeghexaser-20240205-780x470.jpg)
Յունւարի 15-ին Ս. Թարգմանչաց եկեղեցուն կից «Շաղուլեան» սրահում, Եկեղեցասէր կանանց միութեան նախաձեռնութեամբ տեղի ունեցաւ ուրախ ժամանց՝ Նոր տարւայ եւ Ս. Ծննդեան տօների առթիւ:
Սոյն միջոցառմանը միութեան նախագահուհի՝ Շաքէ Ղազարեանը ողջունեց ու բարի գալուստ մաղթեց ներկաներին ու շնորհաւորեց Ամանորը եւ Ս. Ծնունդը եւ յոյս յայտնեց, որ լինի խաղաղութիւն եւ ամենայն բարիք աշխարհին:
Միջոցառման ընթացքում եղան գիտելիքների մրցութիւն, որին աշխոյժ մասնակցութիւն ցուցաբերեց հանդիսատեսը եւ եղան անակնկալներ: Ծրագրի ընթացքում մուտք գործեց Ձմեռ պապին, որը խանդավառութիւն եւ ուրախութիւն պատճառեց բոլորին, ապա ձեռնարկը շարունակւեց ուրախ երգերով եւ հանդիսատեսը բարձր տրամադրութեամբ թողեց սրահը:
Սրբոց Թարգմանչաց եկեղեցուն կից
Եկեղեցասէր կանանց միութիւն