Ճանաչենք Հայոց աշխարհը

Բաղաբերդը (Կապանի բերդ) պատմական Հայաստանի Սիւնիք նահանգի Ձորք գաւառում գտնւող ամրոց է։ Այն գտնւում է Կապան քաղաքից դէպի արեւմուտք` Քաջարան տանող մայրուղու վրայ, Ողջի եւ Գեղի գետերի միախառնման տեղից ոչ հեռու՝ Ողջի գետի ձախ ափին: Հայաստանի պաշտպանական խոշոր կառոյցներից է:

Հայաստանի հնագոյն բերդերից մէկն է, որն իր ամուր դիրքի շնորհիւ վաղ ժամանակներից հռչակւած էր որպէս անմատչելի բերդ։ Բաղաբերդը արտաքին վտանգների դէպքում յաճախակի ապաստան է դառնում շրջակայքի բնակիչների համար։ Բաղաբերդի նշանակութիւնն աւելի է մեծանում Սիւնիքի թագաւորութեան ժամանակներում, երբ քաղաքական աննպաստ պայմանների պատճառով այստեղ էին կենտրոնացւել Տաթեւի վանքի եւ երկրում եղած միւս վանքերի հսկայական հարստութիւններն ու բազմահազար ձեռագրերը։

Նիւթը տրամադրել է՝ ՍՕՍԷ ԽՈՒԴԱՎԵՐԴԵԱՆԸ