Ճանաչենք Հայոց աշխարհը
Սարաւան գիւղ, Հայաստանի Վայոց ձորի մարզի Վայքի տարածաշրջանում, մարզկենտրոնից 35 կմ հարաւ-արեւելք, Դարբ գետի ափին։
Սարաւան է վերանւանւել է 1956 թ.-ի փետրւարի 27-ին։ Կոչւում է Սարաւան, քանի որ գտնւում է սարերի ու ձորերի մէջ։
Համայնքը կազմւած է երեք բնակավայրերից՝ Սարաւան, Սարալանջ եւ Ուղեձոր։ Վարչական տարածքը կազմում է մօտ 6340 հեկտար։
Սարաւան գիւղը գտնւում է ծովի մակերեւոյթից 1600 մ բարձրութեան վրայ։ Լեռնային գիւղ է, շրջափակւած է գեղեցիկ անտառներով։ Համայնքի տարածքով է անցնում Երեւան-Մեղրի միջպետական մայրուղին, որի հարեւանութեամբ գտնւում է Սարալանջ գիւղը։
Հեռաւորութիւնը մարզկենտրոնից 35 կմ է, Վայք քաղաքից՝ 18 կմ։ Համայնքը սահմանակից է Վայոց ձորի մարզի Արտաւան, Գնդեւազ եւ Սիւնիքի մարզի Գորայք համայնքներին։
Սարաւանի մշտական բնակչութիւնը կազմում է 245 մարդ։
2024 թւականի տւեալներով այստեղ ապրում է մօտ 15-20 ընտանիք։
Բնակչութիւնը զբաղւում է անասնապահութեամբ, ծխախոտագործութեամբ, հացահատիկի, կերային կուլտուրաների մշակութեամբ եւ պտղաբուծութեամբ։ Հիմնւել են նաեւ այգիներ։
«Պատմամշակութային կառոյցներ»
Սարաւանում կան XVII դարի աւերակ եկեղեցի, XIII դարի աղբիւր-յուշարձան, 4-5 կմ հարաւ-արեւմուտքում՝ XIV-XIX դարերի մատուռ եւ XI-XVII դարերի խաչքարեր։
Սարաւան գիւղի պատմութեան եւ մշակոյթի յուշարձանների ցանկում ներառւած է ընդամենը 4 յուշարձան (3 միաւոր)։
Նիւթը տրամադրել է՝ ՍՕՍԷ ԽՈՒԴԱՎԵՐԴԵԱՆԸ
