Իրանում արդիականացնում են դէպի Հայաստան անցակէտը. ինչ պայմանաւորւածութիւն է ձեռք բերւել
Իրանում արդիականացնում են դէպի Հայաստան տանող «Նորդուզ» անցակէտը, ինչը շատ կարեւոր է բեռնափոխադրումների համար։ Տեղեկութիւնը յայտնում են ՀՀ տարածքային կառավարման եւ ենթակառուցւածքների նախարարութիւնից։
ՀՀ տարածքային կառավարման եւ ենթակառուցւածքների նախարարի տեղակալ Քրիստինէ Ղալեչեանի գլխաւորութեամբ պատւիրակութիւնը մասնակցել է Հայաստան-Իրան սահմանի «Նորդուզ» անցակէտի վերակառուցման նախագծի հիմնարկէքի արարողութեանը։
Նշւում է, որ հայկական պատւիրակութիւնում եղել է նաեւ «Ճանապարհային դեպարտամենտ» հիմնադրամի գործադիր տնօրէնի տեղակալ Արման Խաչատրեանը, իսկ իրանական կողմից ճանապարհների եւ քաղաքաշինութեան նախարարի տեղակալ Ռեզա Աքբարին։
«Կողմերը քննարկել են սահմանային ենթակառուցւածքների վերազինման, բեռնափոխադրումների ծաւալների մեծացման մեխանիզմները»,- ասւած է հաղորդագրութիւնում:
Փոխնախարարներ Ղալեչեանը եւ Աքբարին գործնական պայմանաւորւածութիւն են ձեռք բերել կարգաւորել երկկողմ բեռնափոխադրումների ոլորտում առկայ խոչընդոտները:
